Vainerler Meiırjan Törebaev pen Meiırhan Şerniiazov jazasyn jeŋıldetudı sūrap, sotqa talap-aryz tüsırdı. Būl turaly Almaty qalalyq sotynyŋ baspasöz qyzmetı mälımledı, dep habarlaidy “Adyrna” ūlttyq portaly.
«Türksıb audandyq sotyna jaza şaralaryn auystyru boiynşa ıs-materialdary kelıp tüstı. Ötınış jaqyn arada qaralady», - dedı Almaty qalalyq sotynyŋ baspasöz qyzmetı.
Aita ketsek, būǧan deiın Almaty qalalyq sotynyŋ qylmystyq ıster jönındegı sot alqasy Törebaev pen Şerniiazovqa qatysty qylmystyq ıstı apelliasiialyq tärtıpte qarap, ükımdı özgerıssız qaldyrǧan edı.
Eske salaiyq, olar bırınşı satydaǧy sottyŋ ükımımen 10 sottaluşy ūiymdasqan topqa nemese qylmystyq ūiymǧa qatysu, qarjylyq (investisiialyq) piramida qūru jäne ony basqaru boiynşa kınälı dep tanylyp, 6 jyldan 14 jylǧa deiın bas bostandyǧynan aiyrylǧan.
Sottaluşylar Meiırjan Törebaev pen Meiırhan Şerniiazov qarjy piramidasyn basqarǧany üşın kınälı dep tanylyp, 5 jylǧa bas bostandyǧynan aiyrylǧan bolatyn.
Ūqsas jaŋalyqtar
