قوستاناي وبلىسىندا كولىك قوزعالىسىنا شەكتەۋ قويىلدى. بۇل تۋرالى بۇگىن، 16 جەلتوقساندا قازاۆتوجول ايتتى، دەپ حابارلايدى «ادىرنا» ءتىلشىسى.
«اۋا رايىنىڭ بۇزىلۋىنا بايلانىستى ساعات 17:00-دەن باستاپ قوستاناي وبلىسىندا «قوستاناي-اۋليەكول-سۇرعان» 108-232 شاقىرىمىندا (اۋليەكول ا. - اقمولا وبلىسى شەكاراسىنا دەيىن) جۇك جانە قوعامدىق كولىكتەردىڭ قوزعالىسىنا شەكتەۋ قويىلدى شەكتەۋ 17 جەلتوقسان كۇنى ساعات 8:00-دە الىنادى دەپ جوسپارلاندى»،—دەلىنگەن حابارلامادا.
قوسىمشا اقپاراتتى تاۋلىكتىڭ كەز كەلگەن ۋاقىتىندا بايلانىس ورتالىعىنىڭ 1403 ءنومىرى ارقىلى الۋعا بولادى.
بۇعان دەيىن «قازگيدرومەت» رەسپۋبليكانىڭ باسىم بولىگىندە جاڭبىر مەن قار جاۋىپ، كوكتايعاق بولاتىنىن ايتقان ەدى.
