اسكەري عىلىمدار اكادەمياسىنىڭ پرەزيدەنتى مۇحتار سەركپاەۆ جەلىدە تاراعان بيلىكتى سىناعان ۆيدەوسىنا قاتىستى تۇسىنىك بەردى، دەپ حابارلايدى "ادىرنا" ۇلتتىق پورتالى.
الدىمەن ول ءوزىن تانىستىردى. سودان كەيىن جەلىدە تاراعان ۆيدەوعا بايلانىستى ايتتى.
"مەنىڭ بىرنەشە كۇن بۇرىن شىعارعان ۆيدەومدى كەيبىر بلوگەرلەر قيىپ الىپ تاراتۋدا. Tik Tok پەن Instagram, WhatsApp جانە YouTube-تە مەنىڭ فوتوم بارلىق جەردە جانە ولار مەنى قانداي دا ءبىر تۇسىنىكسىز قوزعالىستىڭ كوشباسشىسى دەپ جازۋدا. بۇل كىسى ەندى ۇستالاتىن شىعار دەپ جاتىر. مەن زەينەتكەرلىككە شىققاننان بەرى ءوز ارنامدى جۇرگىزىپ كەلە جاتقان 5 جىل ىشىندە كەيبىر كوشباسشىلارىمىز شەشۋى كەرەك ماسەلەلەر تۋرالى ايتىپ وتىرامىن. ەشكىم مەنى قورقىتقان جوق، تەلەفون سوققان جوق، ەشقايدا شاقىرعان جوق. سيريادا بولىپ جاتقان جاعدايعا قاراپ ءبىز بۇعان جول بەرمەۋ ءۇشىن قورىتىندى جاساۋىمىز كەرەك. ال مۇنىڭ الدىن الۋ ءۇشىن بىزگە قازىر باسقا دا ماسەلەلەردى مۇقيات قاراستىراتىن ءارتۇرلى دەڭگەيدەگى كوشباسشىلار قاجەت. سوندىقتان مەن ءوز حابارلامامدا وسى تارماقتاردىڭ بارلىعىنا نە قاجەت ەكەنىن ايتتىم. مەن دۇرىس تۇسىنىك بولعانىن قالايمىن. ال ءبىزدىڭ بلوگەرلەر كونتەكستەن فرازالاردى الىپ، ولاردى ءبولىپ ءسوز تىركەستەرىن جاسايتىنى ۇنامايدى. بۇل مەنىڭ پىكىرىم سوندىقتان ەڭ بولماسا اۆتورلىق قۇقىقتى سۇراۋعا رۇقسات الۋ ءۇشىن حابارلاسۋ كەرەك" - دەدى مۇحيت سەركپاەۆ.
ول بارلىق ماسەلەنىڭ زاڭ اياسىندا شەشىمىن تاپقانىن قالايتىنىن ايتىپ، ءجونسىز شۋ شىعاۋدىڭ قاجەتى جوق ەكەنىن ءتۇسىندىردى.
ەكى كۇن ىشىندە 16 مىڭ قارالىم جيناعان ۆيدەوعا جەلى قولدانۋشىلار "دۇرىس ايتاسىز", ء"بىز ءسىزدى قولدايمىز" دەگەن سارىنداعى پىكىرلەر جازىپ جاتىر.
بۇعان دەيىن، مۇحتار سەركپاەۆتىڭ قازاقستاننىڭ رەسەيگە تولىقتاي تاۋەلدى بولۋ قاۋىپى بارىن ايتقان ۆيدەوسى جەلىدە كەڭىنەن تارالعانى تۋرالى جازعان ەدىك.
