Áskerı ǵylymdar akademııasynyń prezıdenti Muhtar Serkpaev jelide taraǵan bılikti synaǵan vıdeosyna qatysty túsinik berdi, dep habarlaıdy "Adyrna" ulttyq portaly.
Aldymen ol ózin tanystyrdy. Sodan keıin jelide taraǵan vıdeoǵa baılanysty aıtty.
"Meniń birneshe kún buryn shyǵarǵan vıdeomdy keıbir blogerler qıyp alyp taratýda. Tik Tok pen Instagram, WhatsApp jáne YouTube-te meniń fotom barlyq jerde jáne olar meni qandaı da bir túsiniksiz qozǵalystyń kóshbasshysy dep jazýda. Bul kisi endi ustalatyn shyǵar dep jatyr. Men zeınetkerlikke shyqqannan beri óz arnamdy júrgizip kele jatqan 5 jyl ishinde keıbir kóshbasshylarymyz sheshýi kerek máseleler týraly aıtyp otyramyn. Eshkim meni qorqytqan joq, telefon soqqan joq, eshqaıda shaqyrǵan joq. Sırııada bolyp jatqan jaǵdaıǵa qarap biz buǵan jol bermeý úshin qorytyndy jasaýymyz kerek. Al munyń aldyn alý úshin bizge qazir basqa da máselelerdi muqııat qarastyratyn ártúrli deńgeıdegi kóshbasshylar qajet. Sondyqtan men óz habarlamamda osy tarmaqtardyń barlyǵyna ne qajet ekenin aıttym. Men durys túsinik bolǵanyn qalaımyn. Al bizdiń blogerler konteksten frazalardy alyp, olardy bólip sóz tirkesterin jasaıtyny unamaıdy. Bul meniń pikirim sondyqtan eń bolmasa avtorlyq quqyqty suraýǵa ruqsat alý úshin habarlasý kerek" - dedi Muhıt Serkpaev.
Ol barlyq máseleniń zań aıasynda sheshimin tapqanyn qalaıtynyn aıtyp, jónsiz shý shyǵaýdyń qajeti joq ekenin túsindirdi.
Eki kún ishinde 16 myń qaralym jınaǵan vıdeoǵa jeli qoldanýshylar "durys aıtasyz", "biz sizdi qoldaımyz" degen saryndaǵy pikirler jazyp jatyr.
Buǵan deıin, Muhtar Serkpaevtyń Qazaqstannyń Reseıge tolyqtaı táýeldi bolý qaýipi baryn aıtqan vıdeosy jelide keńinen taralǵany týraly jazǵan edik.
