استاناداعى مينيسترلىكتەر ءۇيى اۋماعىنداعى جارىقتىڭ ءوشىپ قالۋىنا كابەل جەلىسىنىڭ ۇرلانۋى سەبەپ بولدى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«13 جەلتوقساندا «شۇبارى» قوسالقى ستانتسياسىندا 10 كۆ ەلەكتر ۇياشىقتارى اجىراتىلدى. شەكتەۋدە ءۇش تاراتۋ نۇكتەسى بار. وعان كابەل جەلىسىنىڭ ۇرلانۋى سەبەپ بولدى»، - دەپ حابارلادى «استانا-اەك» اق ءباسپاسوز قىزمەتى.
وقيعا ورنىندا ءتورت جەدەل بريگادا جۇمىس ىستەپ جاتىر. ەلەكتر ەنەرگياسىن قالپىنا كەلتىرۋ ءۇشىن اۋىستىرۋ جۇمىستارى جۇرگىزىلۋدە.
«استانا-رەك» اق وكىلدەرى قولايسىزدىقتار ءۇشىن كەشىرىم سۇراپ، قالا تۇرعىندارىنا تۇسىنىستىك تانىتقاندارى ءۇشىن العىس ءبىلدىردى.
بۇعان دەيىن مينيسترلىكتەر ءۇيىنىڭ جانىنداعى اۋماقتىڭ تۇرعىندارى استانادا ەلەكتر قۋاتىنىڭ ءوشىپ قالعانىنا شاعىمدانعان.
