Astanadaǵy Mınıstrlikter úıi aýmaǵyndaǵy jaryqtyń óship qalýyna kabel jelisiniń urlanýy sebep boldy, dep habarlaıdy “Adyrna” ulttyq portaly QazTAG agenttigine siltep.
«13 jeltoqsanda «Shubary» qosalqy stanııasynda 10 kV elektr uıashyqtary ajyratyldy. Shekteýde úsh taratý núktesi bar. Oǵan kabel jelisiniń urlanýy sebep boldy», - dep habarlady «Astana-AEK» AQ baspasóz qyzmeti.
Oqıǵa ornynda tórt jedel brıgada jumys istep jatyr. Elektr energııasyn qalpyna keltirý úshin aýystyrý jumystary júrgizilýde.
«Astana-REK» AQ ókilderi qolaısyzdyqtar úshin keshirim surap, qala turǵyndaryna túsinistik tanytqandary úshin alǵys bildirdi.
Buǵan deıin Mınıstrlikter úıiniń janyndaǵy aýmaqtyń turǵyndary Astanada elektr qýatynyń óship qalǵanyna shaǵymdanǵan.
