مارقۇم سالتانات نۇكەنوۆانىڭ اعاسى ايتبەك امانگەلدى قارجاۋباي نۇرىموۆتىڭ ىسىنە قاتىستى پوليتسيا بەرگەن كەيبىر اقپاراتتى جوققا شىعاردى، دەپ حابارلايدى "ادىرنا" ۇلتتىق پورتالى.
ايتبەك امانگەلدى 10 جەلتوقساندا نۇرىموۆتى «تۋىستارى مەن ادۆوكاتتارىنىڭ ءوتىنىشى بويىنشا» ۇستاعاندارى شىندىققا جاناسپايتىنىن ايتتى.
سونىمەن قاتار جەلىدە تاراعان قارجاۋباي نۇرىموۆ پەن مارقۇم ءىنىسى نۇرقانات عايىپباەۆتىڭ سوڭعى رەت ءبىر-بىرىنە جازعان حاتىن جاريالاۋعا وتباسى تاراپىنان رۇقسات بەرىلمەگەنىن دە اتاپ ءوتتى.
«قارجاۋبايدىڭ وتباسى جانە ادۆوكاتتارى ونىڭ نۇرقاناتپەن جازىسقان حاتىن پابليكتەر مەن اقپارات كوزدەرىندە جاريا قىلۋعا كەلىستى دەگەن مالىمەت شىندىققا جاناسپايدى. وتباسىنان، ادۆوكاتتارىنان ەشكىم ەكەۋارا جازىسقان حاتتى جاريا ەتۋگە رۇقسات بەرمەدى»، - دەدى ول.
