2024 جىلى الەمدە جۇمىس بارىسىندا 54 جۋرناليست قازا تاپتى، دەپ حابارلايدى "ادىرنا" ۇلتتىق پورتالى.
2024 جىلى داعدارىس ايماقتارىندا قازا تاپقان جۋرناليستەر سانى سوڭعى بەس جىلداعى ەڭ جوعارى كورسەتكىشكە جەتتى. ەڭ قاۋىپتى ايماق رەتىندە گازا سەكتورى بەلگىلەندى.
گازا سەكتورىندا قازا تاپقان جۋرناليستەر سانىنىڭ ۇشتەن ءبىرى تىركەلدى. 2023 جىلى 7 قازاندا حاماس راديكالدى يسلامدىق قوزعالىسى يزرايلگە شابۋىل جاساعاننان كەيىن، بۇل ايماقتا 145-تەن استام باق قىزمەتكەرى كوز جۇمدى، ونىڭ ىشىندە 35-ءىنىڭ ءولىمى ولاردىڭ كاسىبي قىزمەتىمەن تىكەلەي بايلانىستى بولعان. ال رەسەيدىڭ 2022 جىلى اقپاندا ۋكرايناعا قارسى باسىپ كىرۋى باستالعالى بەرى ۋكراينادا كەم دەگەندە 13 جۋرناليست قازا تاپتى.
الەمدەگى تۇرمەدە وتىرعان جۋرناليستەردىڭ جارتىسىنا جۋىعى ءتورت ەلدە. ولار قىتاي (گونكونگتى قوسا العاندا) – 124, ميانما – 61, يزرايل – 41 جانە بەلارۋس – 40 ەلدەرىندە تىركەلگەن. سونىمەن قاتار، رەسەيدە 2024 جىلى تاعى سەگىز جۋرناليست قاماۋعا الىنعان. يزرايلدە گازا سەكتورىنداعى سوعىس باستالعالى بەرى جۋرناليستەردىڭ جۇيەلى تۇردە تۇتقىندالۋى بايقالادى: وتكەن جىلى 17 رەپورتەر قاماۋعا الىنعان.
"باق قىزمەتكەرلەرىن ءولتىرۋ، تۇرمەگە جابۋ جانە ۇرلاۋ وقيعالارى ءجيى كەزدەسەدى، ال بۇل قاتىگەز قىلمىستار تىم ءجيى جازاسىز قالادى. ءبىز ءبىزدى اقپاراتپەن قامتاماسىز ەتەتىندەردى قورعاۋىمىز كەرەك. ولاردىڭ باتىل ەڭبەگى سوعىس، جەمقورلىق جانە بيلىكتى تەرىس پايدالانۋ سالدارىنان زارداپ شەككەن ادامداردىڭ جاعدايىن اشىپ كورسەتەدى", - دەدى "شەكاراسىز رەپورتەرلەر" ۇيىمىنىڭ گەرمانيا بولىمشەسى باسقارماسىنىڭ مۇشەسى انيا وستەرحاۋس.
