2024 jyly älemde jūmys barysynda 54 jurnalist qaza tapty, dep habarlaidy "Adyrna" ūlttyq portaly.
2024 jyly daǧdarys aimaqtarynda qaza tapqan jurnalister sany soŋǧy bes jyldaǧy eŋ joǧary körsetkışke jettı. Eŋ qauıptı aimaq retınde Gaza sektory belgılendı.
Gaza sektorynda qaza tapqan jurnalister sanynyŋ üşten bırı tırkeldı. 2023 jyly 7 qazanda HAMAS radikaldy islamdyq qozǧalysy İzrailge şabuyl jasaǧannan keiın, būl aimaqta 145-ten astam BAQ qyzmetkerı köz jūmdy, onyŋ ışınde 35-ınıŋ ölımı olardyŋ käsıbi qyzmetımen tıkelei bailanysty bolǧan. Al Reseidıŋ 2022 jyly aqpanda Ukrainaǧa qarsy basyp kıruı bastalǧaly berı Ukrainada kem degende 13 jurnalist qaza tapty.
Älemdegı türmede otyrǧan jurnalisterdıŋ jartysyna juyǧy tört elde. Olar Qytai (Gonkongty qosa alǧanda) – 124, Mianma – 61, İzrail – 41 jäne Belarus – 40 elderınde tırkelgen. Sonymen qatar, Reseide 2024 jyly taǧy segız jurnalist qamauǧa alynǧan. İzrailde Gaza sektoryndaǧy soǧys bastalǧaly berı jurnalisterdıŋ jüielı türde tūtqyndaluy baiqalady: ötken jyly 17 reporter qamauǧa alynǧan.
"BAQ qyzmetkerlerın öltıru, türmege jabu jäne ūrlau oqiǧalary jiı kezdesedı, al būl qatygez qylmystar tym jiı jazasyz qalady. Bız bızdı aqparatpen qamtamasyz etetınderdı qorǧauymyz kerek. Olardyŋ batyl eŋbegı soǧys, jemqorlyq jäne bilıktı terıs paidalanu saldarynan zardap şekken adamdardyŋ jaǧdaiyn aşyp körsetedı", - dedı "Şekarasyz reporterler" ūiymynyŋ Germaniia bölımşesı basqarmasynyŋ müşesı Ania Osterhaus.
Ūqsas jaŋalyqtar
