ايدا بالاەۆا ۇلتتىق جوسپار اياسىندا باق سالاسىن دامىتۋ باعىتتارىمەن تانىستىردى

667

اقپارات جانە قوعامدىق دامۋ ءمينيسترى ايدا بالاەۆا وتاندىق باق سالاسىن دامىتۋ ماسەلەلەرىنە ارنالعان دوڭگەلەك ۇستەل جيىنىندا مينيسترلىكتىڭ تاياۋ بولاشاقتاعى جوسپارلارىمەن تانىستىردى.

ءمينيستردىڭ ايتۋىنشا، سالانىڭ بارلىق باستامالارى ۇكىمەتتىڭ بەكىتۋىمەن 2020-2022 جىلدارعا ارنالعان «اقپارات سالاسىن دامىتۋدىڭ ۇلتتىق جوسپارىنا» بىرىكتىرىلگەن. سوعان سايكەس وتاندىق اقپارات كەڭىستىگىن دامىتۋدىڭ ءۇش نەگىزگى باعىتى انىقتالىپ وتىر. ولار – بۇل بۇقارالىق اقپارات قۇرالدارىنىڭ باسەكەگە قابىلەتتىلىگىن ارتتىرۋ; ادامي كاپيتالدى دامىتۋ; اقپارات سالاسىنداعى زاڭناما مەن قۇقىقتىق ماسەلەلەر.
– باق-تىڭ باسەكەگە قابىلەتتىلىگىن ارتتىرۋ ءۇشىن مەملەكەتتىك قولداۋدىڭ بىرقاتار تاسىلدەرى قايتا قارالادى. ارينە، ەڭ الدىمەن، اڭگىمە وڭىرلەردەگى مەملەكەتتىك اقپاراتتىق تاپسىرىستى جەتىلدىرۋ تۋرالى بولىپ وتىر. بۇدان بولەك، تالدامالىق جانە مۋلتيمەديالىق كونتەنتتىڭ ۇلەسىن ارتتىرۋ ارقىلى مەملەكەتتىك تاپسىرىستىڭ تيىمدىلىگىن جەتىلدىرۋدى قولعا الاتىن بولامىز. ءوز كەزەگىندە بۇل قادام وتاندىق باق ساپاسىن كوتەرۋ بويىنشا تاعى دا بىرقاتار شارالارعا تۇرتكى بولعالى تۇر، – دەدى ايدا بالاەۆا.

پىكىرلەر