پوليتسيا تالعاردا 8 جەلتوقسان كۇنى مۇردەسى تابىلعان نۇرعانات عايىپباەۆ وزبەكستاندىق كەلىنشەكپەن ازاماتتىق نەكەدە بىرگە تۇرىپ جاتقانى جايلى مالىمەت تاراتتى،دەپ حابارلايدى “ادىرنا” ۇلتتىق پورتالى.
باندىلاردىڭ پىشاق جاراقاتىنان قايتىس بولعان شەرزات پولاتتىڭ نەمەرە اعاسى نۇرعانات ەڭبەكشىقازاق اۋداندىق اۋرۋحاناسىندا جۇمىس ىستەگەن. جەدەل جاردەم قىزمەتىندە جۇمىس ىستەگەن عايىپباەۆ سوڭعى كەزدەرى جۇمىسسىز جۇرگەن. تالعار تراگەدياسىنان كەيىن بوس جۇرگەن ول بەيىتتىڭ جانىنا ءوزىنىڭ كولىگىمەن بارعان.
پوليتسيا مەن جەدەل جاردەم وقيعا ورنىنا جەتكەندە نۇرعانات جەردە ارقاسىمەن جاتقان. ال ونىڭ جانىندا كابەل تۇرعان. مارقۇمنىڭ مۇردەسىن پوليتسيادان تۋىستارى تاپقان.
"ول بەلبۇلاق اۋىلىنداعى"تەنگري پارك" كوتتەدج قالاشىعىندا تۇرعان. ايەلى ديلفۋزا ەسىمدى وزبەكستان ازاماتشاسى. بالالارى جوق، قازىرگى ساتتە جۇمىسسىز. بۇرىن ەڭبەكشىقازاق اۋداندىق جەدەل جاردەم قىزمەتىندە فەلدشەر بولعان", - دەلىنگەن پوليتسيانىڭ سيپاتتاماسىندا.
پوليتسيانىڭ سوڭعى ءولىم كەزىندە مارقۇمنىڭ جەكە مالىمەتتەرىن تاراتۋى قوعام نازارىن اۋدارتىپ وتىر. بۇدان الدىن پوليتسيا نۇرعاناتتىڭ سوڭعى حابارلاماسى بولۋى مۇمكىن دەرەكتەردى تاراتقان.
ەسكە سالايىق، 8 جەلتوقسان كۇنى شەرزاتتىڭ 30 جاستاعى نەمەرە اعاسى نۇرعانات عايىپباەۆ ءولى تابىلدى. ول 4 قازان كۇنى تالعاردا ورىن العان تراگەديانىڭ كۋاگەرى، توبەلەستىڭ بەل ورتاسىندا بولعان. ءىنىسىن پىشاقتاعان باندالىق توپتىڭ اياۋسىز ارەكەتتەرىن كوزىمەن كورگەن جانە ءوزى دە جاراقات العان.
