قازىرگى ۋاقىتتا پاۆلودار وبلىسىنىڭ اكىمى قازاقستان-قىتاي ىسكەرلىك كەڭەسىنىڭ VI وتىرىسى ءوتىپ جاتقان بەيجىڭدە جۇمىس ساپارىمەن ءجۇر. NAALE كومپانياسىنىڭ باسشىسى چجان تسي مەن بولات باقاۋوۆ 2020-2022 جىلدارى پاۆلودار وبلىسىندا قانت زاۋىتىن سالۋعا كەلىستى، دەپ حابارلايدى پاۆلودار-ونلاين.
قول قويىلعان قۇجاتتارعا سايكەس، قىتايلىق ينۆەستور ءبىر جىل ىشىندە پاۆلوداردا NAALE كەڭسەسىن اشىپ، جوبانى جۇزەگە اسىرۋدى باستايدى. زاۋىتتىڭ قۋاتى - جىلىنا كەمىندە 110 مىڭ توننا قانت.
«وبلىس باسشىلىعى كاسىپورىندى سالۋ ءۇشىن قاجەتتى ينجەنەرلىك-كوممۋنيكاتسيالىق ينفراقۇرىلىمنىڭ بارلىق ماسەلەلەرىمەن اينالىسادى»، - دەپ ءتۇسىندىردى پاۆلودار وبلىسى اكىمدىگىنىڭ ءباسپاسوز قىزمەتى. - سونىمەن قاتار، جەڭىلدەتىلگەن سالىق سالۋ جانە ينۆەستيتسيالىق سۋبسيديالار بولىگىندە ينۆەستورلار مەملەكەتتىك قولداۋدىڭ بارلىق قول جەتىمدى شارالارىنا سەنىم ارتا الادى.
ەستەرىڭىزگە سالا كەتەيىك، جىل باسىندا، بەيجىڭدە CNOOD Asia Limited كومپانياسىمەن قانت زاۋىتىن سالۋ تۋرالى مەموراندۋمعا قول قويىلدى. زاۋىت جىلىنا 250 كۇن جۇمىس ىستەپ، 750 مىڭ توننا شيكىزاتتى وڭدەپ، جىلىنا 100 مىڭ توننا ءتاتتى قانت بەرەدى دەپ جوسپارلانعان بولاتىن. جوبا بويىنشا وبلىستا قانت قىزىلشاسىنىڭ تاجىريبەلىك ەكپەلەرى جۇرگىزىلدى.
پاۆلودار وبلىسىنىڭ اكىمى فۋتسزيان پروۆينتسياسىنىڭ فۋتسين قالاسى اكىمشىلىگىمەن ىنتىماقتاستىق تۋرالى تاعى ءبىر كەلىسىمگە قول قويدى. تاراپتار «ءبىر بەلدەۋ - ءبىر جول» ىنتىماقتاستىق اياسىندا قازاقستاندىق-قىتايلىق حالىقارالىق اگروونەركاسىپتىك پارك قۇرىلىسىنا قاتىسادى.
"ادىرنا" ۇلتتىق پورتالى
سۋرەت اۆتورى ۆالەري بۋگاەۆ
