Qazırgı uaqytta Pavlodar oblysynyŋ äkımı Qazaqstan-Qytai Iskerlık Keŋesınıŋ VI otyrysy ötıp jatqan Beijıŋde jūmys saparymen jür. NAALE kompaniiasynyŋ basşysy Chjan Si men Bolat Baqauov 2020-2022 jyldary Pavlodar oblysynda qant zauytyn saluǧa kelıstı, dep habarlaidy Pavlodar-onlain.
Qol qoiylǧan qūjattarǧa säikes, qytailyq investor bır jyl ışınde Pavlodarda NAALE keŋsesın aşyp, jobany jüzege asyrudy bastaidy. Zauyttyŋ quaty - jylyna kemınde 110 myŋ tonna qant.
«Oblys basşylyǧy käsıporyndy salu üşın qajettı injenerlık-kommunikasiialyq infraqūrylymnyŋ barlyq mäselelerımen ainalysady», - dep tüsındırdı Pavlodar oblysy äkımdıgınıŋ baspasöz qyzmetı. - Sonymen qatar, jeŋıldetılgen salyq salu jäne investisiialyq subsidiialar bölıgınde investorlar memlekettık qoldaudyŋ barlyq qol jetımdı şaralaryna senım arta alady.
Esterıŋızge sala keteiık, jyl basynda, Beijıŋde CNOOD Asia Limited kompaniiasymen qant zauytyn salu turaly memorandumǧa qol qoiyldy. Zauyt jylyna 250 kün jūmys ıstep, 750 myŋ tonna şikızatty öŋdep, jylyna 100 myŋ tonna tättı qant beredı dep josparlanǧan bolatyn. Joba boiynşa oblysta qant qyzylşasynyŋ täjıribelık ekpelerı jürgızıldı.
Pavlodar oblysynyŋ äkımı Fuszian provinsiiasynyŋ Fusin qalasy äkımşılıgımen yntymaqtastyq turaly taǧy bır kelısımge qol qoidy. Taraptar «Bır beldeu - bır jol» yntymaqtastyq aiasynda qazaqstandyq-qytailyq halyqaralyq agroönerkäsıptık park qūrylysyna qatysady.
"Adyrna" ūlttyq portaly
Suret avtory Valerii Bugaev
