تاۋەلسىزدىك كۇنى قارساڭىندا «AMANAT» پارتياسىنىڭ قولداۋىمەن مادەنيەت جانە اقپارات مينيسترلىگى ۇيىمداستىرعان «التىن دومبىرا» رەسپۋبليكالىق اقىندار ايتىسى ءوتتى. «تورلەت، ەڭبەك ادامى» تاقىرىبىنداعى ءداستۇرلى دودا بيىل ەڭبەك ادامىن ۇلىقتاۋعا ارنالدى.
ايتىس دەمالىس كۇندەرى استانا قالاسىندا ءوتتى.
ونەر الامانىنىڭ اشىلۋىندا امانات پارتياسىنىڭ توراعاسى ەرلان قوشانوۆ ءسوز سويلەپ، ەڭبەك ادامدارىنىڭ قوعامداعى رولىنە جانە رۋحانياتتىڭ، مادەنيەت سالاسىن دامىتۋدىڭ ماڭىزىنا باسا ءمان بەرەتىنىنە توقتالدى.
ەرلان قوشانوۆ جىلدىڭ جىر جارىسىنا ارنايى كەلگەن جالپىجۇرتتىق قۇرمەتكە يە قادىرلى قالامگەر-قايراتكەر، ايتىستىڭ اسقار تاۋ اكەسى جۇرسىنەرمانعا دا تىلەگىن جەتكىزدى. پارتيا توراعاسى قايراتتى اقىنعا قىران تاعدىرىن تىلەپ، قوشەمەت ءبىلدىردى.
