ۋكراينا بيلىگى كامەنسكوە قالاسىندا ورناتىلعان نۇرسۇلتان نازارباەۆقا ارنالعان بارەلەفتى بۇزباۋ تۋرالى شەشىم قابىلدادى، دەپ حابارلايدى "ادىرنا" ۇلتتىق پورتالى ازاتتىق راديوسىنا سىلتەپ.
باق-تا تاراعان مالىمەتكە سايكەس، بارەلەفتى الىپ تاستاۋ جونىندەگى ءوتىنىشتى قازاقستاندىق بەلسەندى تۇراربەك قۇسايىنوۆ جولداعان. ول ءوز وتىنىشىندە نازارباەۆتىڭ كەڭەستىك كەزەڭمەن بايلانىسىن جانە رەسەي باسشىلىعىمەن قارىم-قاتىناسىن العا تارتقان.
الايدا ۋكراينا ۇلتتىق ەسكەرتكىشتەر ينستيتۋتى بۇل تالاپتى قاناعاتتاندىرۋدان باس تارتتى. ينستيتۋت باسشىسى الەكساندر الفەروۆ بارەلەفتە تىيىم سالىنعان سيمۆوليكا جوق ەكەنىن جانە ونىڭ “رەسەيدىڭ يمپەريالىق ساياساتىنا” قارسى باعىتتالعان دەكوممۋنيزاتسيا تۋرالى زاڭ تالاپتارىنا سايكەس كەلمەيتىنىن مالىمدەدى.
اتالعان بارەلەف كامەنسكوە قالاسىنداعى وقۋ ورنىنىڭ الدىندا ورنالاسقان. نۇرسۇلتان نازارباەۆ بۇل جەردە 1958–1960 جىلدارى ءبىلىم العان. ەسكەرتكىش 2005 جىلى ورناتىلعان.
ايتا كەتەيىك، نۇرسۇلتان ءابىشۇلى نازارباەۆ 1989–1991 جىلدارى قازاقستان كومپارتياسى ورتالىق كوميتەتىنىڭ ءبىرىنشى حاتشىسى قىزمەتىن اتقاردى. كەيىن تاۋەلسىز قازاقستاننىڭ تۇڭعىش پرەزيدەنتى رەتىندە ەلدى 1991 - 2019 جىلدار ارالىعىندا باسقاردى.
