قر ءماجىلىس دەپۋتاتى دانيا ەسپاەۆا تومەنگى پالاتانىڭ پلەنارلىق وتىرىسىندا نەسيەلىك امنيستيادان كەيىن دە بورىشكەرلەردىڭ سانى قايتا كوبەيۋ قاۋپى بار ەكەنىن ايتتى.
ونىڭ سوزىنشە، مەملەكەت قيىن جاعدايعا ۇشىراعان ازاماتتارعا قاجەتتى كومەك كورسەتۋگە مىندەتتى. مەملەكەت باسشىسىنىڭ ۇكىمەت پەن ۇلتتىق بانككە بەرگەن حالىقتىڭ الەۋەتى تومەن ازاماتتارىنىڭ نەسيەسىن ەسەپتەن شىعارۋ تۋرالى تاپسىرماسى دا وسىنىڭ ايعاعى بولىپ وتىر.
«الايدا بۇل اكتسيانىڭ ءبىر رەت ەكەندىگىن ەسكەرسەك، نەسيە تولەمەگەندەردىڭ سانى قايتادان وسپەيتىنىنە، اكتسيانى قايتادان وتكىزبەسكە شارا بولمايتىنىنا كىم كەپىل بولماق؟!
بۇدان بۇرىن ەشبىر ەلدە قارىزدى مۇناي كولەمدە كەشىرۋ فاكتىسى بولماعان-تىن. ولاردا تولەمگە قابىلەتسىز بورىشكەرلەردىڭ ماسەلەسى ارنايى بانكروتتىق تۋرالى زاڭ شەڭبەرىندە شەشىلەدى» - دەدى ەسپاەۆا ءوز سوزىندە.
جەكە تۇلعالاردى بانكروتتاۋ تۋرالى زاڭ كورشى رەسەيدە عانا ەمەس، دامىعان اقش; گەرمانيا ەلدەرىندە بار.
ايتا كەتۋ كەرەك، «اق جول» پارتياسى 2014 جىلدان بەرى جەكە تۇلعالاردى بانكروتتاۋعا بايلانىستى زاڭعا وزگەرىستەرىن ۇسىنىپ كەلەدى. ءتىپتى 2015 جىلى «جەكە تۇلعالاردى بانكروتتاۋ جونىندە» جەكە زاڭ جوباسى ۇكىمەتتىڭ ۆەدومستۆوارالىق كوميسسياسىنا دا تانىستىرىلدى. بىراق اتالمىش جوبالاردىڭ ءبىرى دە قولداۋ تاپقان جوق.
قارالىپ جاتقان ماسەلە بيزنەسمەندەر نە شەنەۋنىكتەر تۋرالى ەمەس، كوبىندە تۇراقتى جۇمىسى جوق قاراشا حالىق جايلى بولعاندىقتان، ولاردىڭ بولاشاقتا نەسيە الاتىنى ءسوزسىز.
وسىعان بايلانىستى «اق جول» پارتياسى ۇكىمەتتەن جەكە تۇلعالاردى بانكروتتاۋ جونىندەگى زاڭ جوباسىن قايتا قاراۋدى سۇراۋى ورىندى. ولاي بولماعان جاعدايدا پارتيا 2015 جىلعى زاڭ جوباسىن قايتا كوتەرىپ، ۇسىناتىنىن جەتكىزدى.
