«Aq jol»  Úkimet pen Ulttyq bankty synǵa aldy

273

QR Májilis depýtaty Danııa Espaeva tómengi palatanyń plenarlyq otyrysynda nesıelik amnıstııadan keıin de boryshkerlerdiń sany qaıta kóbeıý qaýpi bar ekenin aıtty. 

Onyń sózinshe, memleket qıyn jaǵdaıǵa ushyraǵan azamattarǵa qajetti kómek kórsetýge mindetti. Memleket basshysynyń Úkimet pen Ulttyq bankke bergen halyqtyń áleýeti tómen azamattarynyń nesıesin esepten shyǵarý týraly tapsyrmasy da osynyń aıǵaǵy bolyp otyr. 

«Alaıda bul akııanyń bir ret ekendigin eskersek, nesıe tólemegenderdiń sany qaıtadan óspeıtinine, akııany qaıtadan ótkizbeske shara bolmaıtynyna kim kepil bolmaq?!  

Budan buryn eshbir elde qaryzdy munaı kólemde keshirý faktisi bolmaǵan-tyn. Olarda tólemge qabiletsiz boryshkerlerdiń máselesi arnaıy bankrottyq týraly zań sheńberinde sheshiledi» - dedi Espaeva óz sózinde.

Jeke tulǵalardy bankrottaý týraly zań kórshi Reseıde ǵana emes, damyǵan AQSh; Germanııa elderinde bar. 

Aıta ketý kerek, «Aq jol» partııasy 2014 jyldan beri jeke tulǵalardy bankrottaýǵa baılanysty zańǵa ózgeristerin usynyp keledi. Tipti 2015 jyly «Jeke tulǵalardy bankrottaý jóninde» jeke zań jobasy Úkimettiń vedomstvoaralyq komıssııasyna da tanystyryldy. Biraq atalmysh jobalardyń biri de qoldaý tapqan joq.

Qaralyp jatqan másele bıznesmender ne sheneýnikter týraly emes, kóbinde turaqty jumysy joq qarasha halyq jaıly bolǵandyqtan, olardyń bolashaqta nesıe alatyny sózsiz. 

Osyǵan baılanysty «Aq jol» partııasy úkimetten jeke tulǵalardy bankrottaý jónindegi zań jobasyn qaıta qaraýdy suraýy oryndy. Olaı bolmaǵan jaǵdaıda partııa 2015 jylǵy zań jobasyn qaıta kóterip, usynatynyn jetkizdi.

Pikirler