كاسىپكەر قايرات بورانباەۆقا تيەسىلى بولعان "المالى" ساۋدا ورتالىعى قايتا قۇرىلىپ، بالالارعا ارنالعان عىلىم مۋزەيى بولادى. بۇل تۋرالى الماتى اكىمى ەربولات دوساەۆ ءماسليحاتتىڭ كەزەكتەن تىس سەسسياسىندا مالىمدەدى، دەپ حابارلايدى “ادىرنا” ۇلتتىق پورتالى.
«2025 جىلدان باستاپ الماتىدا بۇرىنعى "المالى" ساۋدا ورتالىعىنىڭ بازاسىندا تمد-داعى بالالارعا ارنالعان العاشقى عىلىم مۋزەيىن Science Museum Singapore ۇيىمىمەن بىرلەسىپ قۇرۋ جۇمىستارى باستالادى»، – دەدى ول.
جوبانى جۇزەگە اسىرۋ ءۇشىن قالالىق بيۋدجەتتەن 12,2 ميلليارد تەڭگە بولىنەدى دەپ جوسپارلانۋدا.
ايتا كەتەيىك، "المالى" سوو بۇعان دەيىن كاسىپكەر قايرات بورانباەۆقا تيەسىلى بولعان. 2023 جىلى ول بۇل نىساندى باسقا اكتيۆتەرىمەن بىرگە مەملەكەتكە ءوز ەركىمەن تاپسىردى. عيمارات ۇزاق ۋاقىت بويى جابىق تۇرىپ، 2022 جىلعى قاڭتار وقيعاسى كەزىندە قاتتى زارداپ شەككەن.
ەسكە سالساق، 2023 جىلدىڭ 15 قىركۇيەگىندە استانا قالالىق سوتىنىڭ اپەللياتسيالىق القاسى قايرات بورانباەۆقا «قازترانسگاز» اق قارجىسىن تالان-تاراجعا سالۋ جانە زاڭداستىرۋ ءىسى بويىنشا ۇكىم شىعارىپ، ونىڭ مۇلكى تاركىلەنىپ التى جىلعا باس بوستاندىعىنان ايىرىلعان بولاتىن.
