الماتىدا قالانى اباتتاندىرۋ جانە كوگالداندىرۋ شىعىندارىن قارجىلاندىرۋ ۇلعايادى. بۇل تۋرالى قالالىق ءماسليحاتتىڭ 2025-2027 جىلدارعا ارنالعان بيۋدجەتى قارالعان سەسسيا بارىسىندا مەگاپوليس اكىمى ەربولات دوساەۆ مالىمدەدى.
"مەملەكەت باسشىسىنىڭ باستاماسىمەن" تازا قازاقستان " باعدارلاماسى اياسىندا اكىمدىك سۇيىكتى قالامىزدى اباتتاندىرۋ جانە كوگالداندىرۋ بويىنشا جۇيەلى شارالار قابىلداۋدا. بۇل جايلى قالالىق ورتا قۇرۋ جانە الماتىلىقتاردىڭ ءومىر ءسۇرۋ ساپاسىن ارتتىرۋ بويىنشا ءبىزدىڭ نەگىزگى باسىمدىقتارىمىز", - دەدى ەربولات دوساەۆ.
وسىلايشا، قالانى اباتتاندىرۋ مەن كوگالداندىرۋعا ارنالعان شىعىستاردى قارجىلاندىرۋ 2024 جىلعى 121,6 ملرد تەڭگەدەن 2025 جىلى 170,5 ملرد تەڭگەگە دەيىن 40% - عا ۇلعايادى.
سونداي-اق، الماتىدا "حالىق قاتىساتىن بيۋدجەت"باعدارلاماسىن تابىستى ىسكە اسىرۋ جالعاسۋدا. سوڭعى ءۇش جىلدا 39,1 ملرد تەڭگە سوماسىنا 938 جوبا ىسكە اسىرىلدى، ونىڭ ىشىندە 2024 جىلى – 18,8 ملرد تەڭگە. 2025 جىلعا بيۋدجەتتە 17,1 ملرد تەڭگە قاراستىرىلعان.
ءوز سوزىندە ەربولات دوساەۆ اتاپ وتكەندەي، "حالىق قاتىساتىن بيۋدجەت" باعدارلاماسى قالا تۇرعىندارىنىڭ يدەيالارى مەن تىلەكتەرىن ىسكە اسىرۋدىڭ ءتيىمدى قۇرالىنا اينالدى جانە الماتى اكىمدىگى ونىڭ دامۋىن قولداۋعا نيەتتى.
ايتا كەتەيىك، الماتىلىقتاردىڭ ۇسىنىستارى بويىنشا باعدارلاما اياسىندا اۋلا اۋماقتارى، بالالار جانە سپورت الاڭدارى اباتتاندىرىلدى، جاڭا قوعامدىق كەڭىستىكتەر، جاياۋ جۇرگىنشىلەر ايماقتارى قۇرىلدى، سىرتقى جارىقتاندىرۋ جەلىلەرى جۇرگىزىلدى.
