Almatyda qalany abattandyru jäne kögaldandyru şyǧyndaryn qarjylandyru ūlǧaiady. Būl turaly qalalyq mäslihattyŋ 2025-2027 jyldarǧa arnalǧan biudjetı qaralǧan sessiia barysynda megapolis äkımı Erbolat Dosaev mälımdedı.
"Memleket basşysynyŋ bastamasymen" Taza Qazaqstan " baǧdarlamasy aiasynda äkımdık süiıktı qalamyzdy abattandyru jäne kögaldandyru boiynşa jüielı şaralar qabyldauda. Būl jaily qalalyq orta qūru jäne almatylyqtardyŋ ömır süru sapasyn arttyru boiynşa bızdıŋ negızgı basymdyqtarymyz", - dedı Erbolat Dosaev.
Osylaişa, qalany abattandyru men kögaldandyruǧa arnalǧan şyǧystardy qarjylandyru 2024 jylǧy 121,6 mlrd teŋgeden 2025 jyly 170,5 mlrd teŋgege deiın 40% - ǧa ūlǧaiady.
Sondai-aq, Almatyda "Halyq qatysatyn biudjet"baǧdarlamasyn tabysty ıske asyru jalǧasuda. Soŋǧy üş jylda 39,1 mlrd teŋge somasyna 938 joba ıske asyryldy, onyŋ ışınde 2024 jyly – 18,8 mlrd teŋge. 2025 jylǧa biudjette 17,1 mlrd teŋge qarastyrylǧan.
Öz sözınde Erbolat Dosaev atap ötkendei, "Halyq qatysatyn biudjet" baǧdarlamasy qala tūrǧyndarynyŋ ideialary men tılekterın ıske asyrudyŋ tiımdı qūralyna ainaldy jäne Almaty äkımdıgı onyŋ damuyn qoldauǧa niettı.
Aita keteiık, almatylyqtardyŋ ūsynystary boiynşa baǧdarlama aiasynda aula aumaqtary, balalar jäne sport alaŋdary abattandyryldy, jaŋa qoǧamdyq keŋıstıkter, jaiau jürgınşıler aimaqtary qūryldy, syrtqy jaryqtandyru jelılerı jürgızıldı.
