ناشاقورلىق – قازاقستانداعى ەڭ وزەكتى ماسەلەلەردىڭ ءبىرى. سوڭعى جىلدارى ەسىرتكىگە تاۋەلدى ادامدار سانى ارتىپ، ونىڭ سالدارى قوعامعا تەرەڭ اسەرىن تيگىزىپ جاتىر. ستاتيستيكاعا سايكەس، ەلدە 40 مىڭعا جۋىق ادام ەسىرتكى قولدانعانى ءۇشىن تىركەلگەن. بۇل تەك رەسمي كورسەتكىشتەر عانا، ال شىنايى ومىردە بۇل ساندار الدەقايدا جوعارى بولۋى مۇمكىن.
ناشاقورلىق كوبىنە جاستار اراسىندا تارالىپ وتىر. الەۋمەتتىك جاعدايى تومەن، ومىرلىك قيىندىقتارعا تاپ بولعان ادامدار ەسىرتكىگە اۋەس بولىپ، ودان قۇتىلا المايدى. جاسوسپىرىمدەر دە ەسىرتكى تۇتىنۋدىڭ قۇربانى بولىپ جاتىر. ولاردىڭ كوپشىلىگى ەسىرتكىنى ءبىرىنشى رەت دوسىنىڭ نەمەسە تانىسىنىڭ كەڭەسىمەن سىناپ كورەدى، كەيىن بۇل ادەت ولاردىڭ ءومىرىنىڭ اجىراماس بولىگىنە اينالادى.
ناشاقورلىق ادامنىڭ تەك دەنساۋلىعىنا عانا ەمەس، ونىڭ پسيحيكاسىنا، قارجىلىق جاعدايىنا جانە الەۋمەتتىك ومىرىنە ۇلكەن زيان تيگىزەدى. ەسىرتكىنى تۇتىنعان ادام بىرتە-بىرتە الەۋمەتتىك ورتادان الىستاپ، جۇمىسىن، وتباسىن، دوستارىن جوعالتادى. مۇنداي تاۋەلدىلىكتەن شىعۋ وڭاي ەمەس، سەبەبى بۇل تەك فيزيكالىق تاۋەلدىلىك ەمەس، سونىمەن قاتار پسيحولوگيالىق پروبلەماعا اينالادى.قازاقستاندا ەسىرتكىگە قارسى كۇرەس كۇشەيتىلۋدە. پوليتسيا ەسىرتكى ساۋداسىنا قارسى وپەراتسيالار جۇرگىزىپ، كوپتەگەن زاڭسىز ەسىرتكى وندىرىستەرىن اشكەرەلەۋدە. سونىمەن قاتار، ارنايى رەابيليتاتسيالىق ورتالىقتار اشىلىپ، ناشاقورلىقتان زارداپ شەككەندەرگە كومەك كورسەتىلۋدە. الايدا بۇل ماسەلەنى تولىقتاي شەشۋ ءۇشىن تەك پوليتسيا مەن دارىگەرلەردىڭ كومەگى جەتكىلىكسىز. ءار ادام ءوزىنىڭ جاقىندارىنا، اسىرەسە، جاستارعا نازار اۋدارىپ، ۋاقىتىندا قولداۋ كورسەتۋى كەرەك.
ناشاقورلىق – تەك جەكە ادامنىڭ عانا ەمەس، بۇكىل قوعامنىڭ ماسەلەسى. الەۋمەتتىك قولداۋ، دۇرىس تاربيە جانە اقپاراتتىق ساۋاتتىلىق ارقىلى عانا ءبىز بۇل تاۋەلدىلىكپەن ءتيىمدى كۇرەسە الامىز. ەڭ باستىسى – ەسىرتكىگە قارسى ارەكەتتەردى ۋاقىتىلى قولعا الۋ جانە ەشكىمدى بۇل ماسەلەدە جالعىز قالدىرماۋ.
