سوڭعى جىلدارى قازاقستاندا قۇمار ويىندارعا تاۋەلدىلىك (لۋدومانيا) كۇردەلى ماسەلەگە اينالدى. الەۋمەتتىك جەلىلەر مەن جارنامالار ارقىلى قولجەتىمدى بولعان ويىن بيزنەسى كوپتەگەن ازاماتتاردى وزىنە تارتىپ، ولاردىڭ ءومىر ساپاسىنا اسەر ەتۋدە.ەج
ەلىمىزدە رەسمي دەرەكتەر بويىنشا، 200 مىڭنان استام ادام قۇمار ويىندارعا تارتىلعان. ونىڭ ىشىندە جاستاردىڭ ۇلەسى ايتارلىقتاي. بۇل تاۋەلدىلىك كوبىنە الەۋمەتتىك جاعدايى ناشار، جۇمىسسىز نەمەسە قيىندىقتارعا تاپ بولعان ادامدار اراسىندا ءجيى كەزدەسەدى. ويىنعا كەتكەن اقشا وتباسىنىڭ بيۋدجەتىنە اۋىر سالماق تۇسىرەدى، ال تاۋەلدىلىك سالدارى پسيحولوگيالىق كۇيزەلىسكە، ءتىپتى وتباسىلىق داعدارىسقا الىپ كەلۋى مۇمكىن.
لۋدومانياعا شالدىققان ادامداردىڭ باسىم كوپشىلىگى ءوزىنىڭ تاۋەلدىلىگىن بايقامايدى نەمەسە مويىنداعىسى كەلمەيدى. "بۇل – ۋاقىتشا قۇمارلىق", "كەلەسى جولى ۇتامىن" دەگەن جالعان ۇمىتپەن قارجىلىق قيىندىقتارعا تاپ بولادى. مامانداردىڭ ايتۋىنشا، قۇمار ويىندارعا تاۋەلدىلىك بىرتە-بىرتە ادامنىڭ ءوز-ءوزىن باقىلاۋ قابىلەتىنەن ايىرۋى مۇمكىن.
قازاقستاندا بۇل ماسەلەنى شەشۋ ءۇشىن ارنايى باعدارلامالار مەن پسيحولوگيالىق قولداۋ قىزمەتتەرى قاجەت. قۇمار ويىندارعا قارسى زاڭنامانى كۇشەيتۋ، جاستاردى اقپاراتتاندىرۋ، وتباسىلارعا كومەك كورسەتۋ – بۇل تاۋەلدىلىكتىڭ الدىن الۋدىڭ بىردەن-ءبىر جولى. ەڭ باستىسى، كەز كەلگەن تاۋەلدىلىككە بەي-جاي قاراماۋ كەرەك.
ەگەر ءسىز نەمەسە ءسىزدىڭ جاقىندارىڭىز قۇمار ويىنداردان زارداپ شەگىپ جاتسا، ۋاقىتىندا قولداۋ كورسەتىپ، ماماندارعا جۇگىنگەن دۇرىس. سەبەبى، قۇمار ويىندارعا تاۋەلدىلىك – تەك ءبىر ادامنىڭ ماسەلەسى ەمەس، بۇل بۇكىل قوعامعا قاتىستى ماڭىزدى ماسەلە.
