Соңғы жылдары Қазақстанда құмар ойындарға тәуелділік (лудомания) күрделі мәселеге айналды. Әлеуметтік желілер мен жарнамалар арқылы қолжетімді болған ойын бизнесі көптеген азаматтарды өзіне тартып, олардың өмір сапасына әсер етуде.ъэж
Елімізде ресми деректер бойынша, 200 мыңнан астам адам құмар ойындарға тартылған. Оның ішінде жастардың үлесі айтарлықтай. Бұл тәуелділік көбіне әлеуметтік жағдайы нашар, жұмыссыз немесе қиындықтарға тап болған адамдар арасында жиі кездеседі. Ойынға кеткен ақша отбасының бюджетіне ауыр салмақ түсіреді, ал тәуелділік салдары психологиялық күйзеліске, тіпті отбасылық дағдарысқа алып келуі мүмкін.
Лудоманияға шалдыққан адамдардың басым көпшілігі өзінің тәуелділігін байқамайды немесе мойындағысы келмейді. "Бұл – уақытша құмарлық", "келесі жолы ұтамын" деген жалған үмітпен қаржылық қиындықтарға тап болады. Мамандардың айтуынша, құмар ойындарға тәуелділік бірте-бірте адамның өз-өзін бақылау қабілетінен айыруы мүмкін.
Қазақстанда бұл мәселені шешу үшін арнайы бағдарламалар мен психологиялық қолдау қызметтері қажет. Құмар ойындарға қарсы заңнаманы күшейту, жастарды ақпараттандыру, отбасыларға көмек көрсету – бұл тәуелділіктің алдын алудың бірден-бір жолы. Ең бастысы, кез келген тәуелділікке бей-жай қарамау керек.
Егер сіз немесе сіздің жақындарыңыз құмар ойындардан зардап шегіп жатса, уақытында қолдау көрсетіп, мамандарға жүгінген дұрыс. Себебі, құмар ойындарға тәуелділік – тек бір адамның мәселесі емес, бұл бүкіл қоғамға қатысты маңызды мәселе.
