كەلەسى پرەزيدەنت...

572
 نازارباەۆ  جۇيەسى-ۇزاق ويىنداردىڭ شەبەرلەرى ەكەنىن تانىتتى.  وتىز جىل بيلىكتىڭ سوڭى-استانانىڭ اتىن،  ءىرى كوشەلەردى،  ۋنيۆەرسيتەتتى،  اۋەجايدى ت.ب. ءبارىن وزگەرتىپ نازارباەۆ اتىن ودان ارى ۇلىقتاۋعا اكەلدى.  بىراق ديكتاتور وتكەننەن سوڭ ومىردەن; ونىڭ بارلىق اتاق-ەسىمى ءبىر كۇندە جويىلادى!
ەگەر بۇل-جۇيەسى وزگەرمەگەن قىتايدا، جۇيەسى مەن يەسى ءبىر جانۇيادان بولعان كورەيا،  كۋبا بولماسا.
بىزدە بۇل وتپەيدى، سەبەبى ءبىزدىڭ پرەزيدەنت كوممۋنيستىك يدەالداردى ساتىپ شىعىپ،  "جابايى كاپيتاليزمدى" تاڭداعان جان!  گورباچەۆ باستاعان حاتشىلاردىڭ كوممۋنيستىك مەملەكەتتى وزگەرتكەنىنەن، ورىس-كەڭەس يمپەرياسىنىڭ قۇلاۋى،  ۇلتارالىق سوعىستاردىڭ بەلەڭ الۋى،  قاراپايىم جۇرتتىڭ قۇلدىق دارەجەگە ءتۇسۋى،  سوڭىندا باتىستىق-قىتايلىق ەكسپانسياعا ۇشىراۋىمىز ... مۇلدەم جەكە تاقىرىپ!  سول تاريحي وقيعالاردا-نازارباەۆتىڭ مەتامورفوزدىق وزگەرىستى ءوزى باستاعانى، بۇعان قوسا گورباچەۆ كەزەڭىندە پرەمەر-مينيستر بولۋعا بەكىنگەنى قۇپيا ەمەس!
دەمەك، ءبىزدىڭ بۇرىنعى باسشىمىز - بۇگىنگىدەي كاتاستروفالىق دارەجەگە جەتۋىمىزگە تىكەلەي جاۋاپتى جان.  ەش بورىشسىز جانە يادرولىق قارۋ-جاراعى بار مەملەكەت وتىز جىل ىشىندە...قارىز ەل بولىپ شىقتى! 
بۇعان ءبارىمىز-ۇنسىزدىگىمىزبەن ۇلەس قوستىق! 
بارلىق اقپاراتتاردا د.نازارباەۆانىڭ كەلەسى پرەزيدەنت ەكەنى ايتىلۋدا...  ارينە، ءبىزدىڭ ديۆاندا جاتىپ كورسەتكەن قارسىلىعىمىزدى قوسپاساق-بۇلاي بولۋى دا مۇمكىن.
ءبىرىنشى ۆاريانت. 
داريعا-پرەزيدەنت.
ءسىز بۇكىل ەل قارسى شىعادى دەيسىز. وكىنىشكە وراي حالىق بىرىكپەيدى.  العاشقى تاۋەلسىزدىك كەزىندە-حالىق باي مەن كەدەي بولىپ بولىنبەگەن ەدى!بۇگىنگى قارنى توقتار-اش حالىقتى اۋىزدىقتاپ ۇستاۋعا بەيىل. دىنشىلدەر-دىنسىزدەر، قازاق تىلدىلەر-ورىس تىلدىلەر، جۇزگە بولىنۋشىلەر، باتىسقا ەلىكتەۋشى جاستار، اسىرە تولەرانتتار، بۇقپا جاسىقتار، مەملەكەتتەن جەم جەپ جۇرگەن "ۇلتشىلدار" ءبىر عانا ماقساتتا-ءبىزدى بىرىكتىرمەۋگە جۇمىس ىستەيدى!
ەكىنشى ۆاريانت.
قازاقستاننىڭ تىنىشتىعىن قالاعان ورىس نە قىتاي وزدەرى ارالاسا وتىرىپ، ىڭعايلى جاندى اكەلەدى. توقاەۆ وسىنداي كونسەنسۋستىڭ جەمىسى. بىراق، ول نازارباەۆ كەزەڭىندەگى قالاۋ بولعاندىقتان-اقتالىپ شىعۋ "اعارۋ" اۋىر وعان!
ءۇشىنشى ۆاريانت.
شىن جۇيە قۇربانى- تۇرمەدە ۇزاق جىلدارىن،  دەنساۋلىعىن بەرگەن ادام...ەل قولداۋىمەن بيلىككە كەلەدى! كەلەدى دە - بۇگىنگى بيلىكتەگىنىڭ ءبارىن سوتتايدى! ءبارىمىز باي بولامىز! نازارباەۆ ايتقان "ۋادەلەر" ورىندالادى...
ءتورتىنشى ۆاريانت قىتايعا، رەسەيگە سۇراعاندارىن بەرىپ، جەرىمىز تارىلىپ بولىپ - ەشكىمنىڭ قىزىعارى قالماعان شاقتا ... قالاعانىمىزدى تاڭداپ الىپ- جاسقا تولى جانارىمىزبەن كەتەمىز!
كەلەسى پرەزيدەنت... بۇل ءبىزدىڭ تاعدىرىمىز! 
سەرىك ەلىكباي

 

كونەتس پەرەپيسكي
پىكىرلەر