ءماجىلىس دەپۋتاتى باقىتجان بازاربەك اۋە قىزمەتىن پايدالاناتىن جولاۋشىلاردىڭ قۇقىقتارىن قورعاۋ ءۇشىن جاڭا قۇقىقتىق تەتىكتەر ازىرلەنىپ جاتقانىن مالىمدەدى، دەپ حابارلايدى "ادىرنا" ۇلتتىق پورتالى Tengri Travel-گە سىلتەمە جاساپ.
دەپۋتاتقا جۋرناليستەر Air Astana اۋە كومپانياسىنىڭ 12 جاستاعى قىزدىڭ وتباسىنا وتەماقى تولەۋ تۋرالى سوت شەشىمىنە اپەللياتسيا بەرگەنىنە قاتىستى سۇراق قويدى. دەپۋتاتتىڭ ايتۋىنشا، اۋە كومپانياسى سوت شەشىمىنە شاعىمدانۋعا قۇقىلى.
ەسكە سالا كەتەيىك، 12 جاستاعى قىزدى ۇشاققا مىنگىزبەي، استانا اۋەجايىندا جالعىز قالدىرعانى ءۇشىن سوت Air Astana اۋە كومپانياسىنا ءوىزدىڭ وتباسىنا 5 ملن تەڭگە كولەمىندە مورالدىق وتەماقى تولەۋگە مىندەتتەگەن ەدى.
"قازىر رەيستەردىڭ كەشىگۋى ءۇشىن بارلىق اۋە كومپانيالارىنا ايىپپۇل سالۋ مەحانيزمدەرىن ازىرلەپ جاتىرمىز. تۇتىنۋشىلاردىڭ قۇقىقتارىن قورعاۋ تۋرالى زاڭ جوباسى اياسىندا ءبىز اۋە كومپانيالارى مەن اۋەجاي باسشىلىقتارىن تەكسەرۋ جانە شاعىمداردى قاراۋ مەحانيزمدەرىن دايىنداۋدامىز", – دەدى دەپۋتات.
