22 ناۋرىزدا وڭتۇستىك افريكانىڭ سالدانيا قالاسىندا وتكەن West Coast Air Show اۆياشوۋى كەزىندە ۇشاق باسقارۋدان شىعىپ، كورەرمەندەردىڭ كوز الدىندا اپاتقا ۇشىرادى، دەپ حابارلايدى "ادىرنا" ۇلتتىق پورتالى Sky News-كە سىلتەمە جاساپ.
كۋاگەرلەردىڭ ايتۋىنشا، ۇشاق بۇكىل ۇشۋ كەزىندە تولىق باقىلاۋدا بولعان. بىراق سوڭعى مانەۆرلەردىڭ بىرىندە كەنەتتەن بيىكتىگىن جوعالتىپ، قۇلديلاي باستاعان. اۋە كولىگىن تاجىريبەلى سىناقشى-ۇشقىش دجەيمس و'كوننەلل باسقارعان.
ول اپات سالدارىنان قازا تاپتى.
شوۋ ۇيىمداستىرۋشىلارى ۇشقىشتىڭ اپات كەزىندە ۇشاقتان سەكىرۋگە ارەكەتتەنبەگەنىن مالىمدەدى.
مەديتسينالىق قىزمەتكەرلەر وقيعا ورنىنا ەكى مينۋتتان از ۋاقىتتا جەتكەن. بىراق وسى ساتتە ۇشاقتىڭ قالدىقتارى تولىعىمەن وتقا ورانىپ ۇلگەرگەن.
قازىرگى ۋاقىتتا وڭتۇستىك افريكانىڭ ازاماتتىق اۆياتسيا باسقارماسى اپاتتىڭ سەبەپتەرىن انىقتاۋ ءۇشىن تەرگەۋ جۇمىستارىن جۇرگىزىپ جاتىر.
