Májilis depýtaty Baqytjan Bazarbek áýe qyzmetin paıdalanatyn jolaýshylardyń quqyqtaryn qorǵaý úshin jańa quqyqtyq tetikter ázirlenip jatqanyn málimdedi, dep habarlaıdy "Adyrna" ulttyq portaly Tengri Travel-ge silteme jasap.
Depýtatqa jýrnalıster Air Astana áýe kompanııasynyń 12 jastaǵy qyzdyń otbasyna ótemaqy tóleý týraly sot sheshimine apellıaııa bergenine qatysty suraq qoıdy. Depýtattyń aıtýynsha, áýe kompanııasy sot sheshimine shaǵymdanýǵa quqyly.
Eske sala keteıik, 12 jastaǵy qyzdy ushaqqa mingizbeı, Astana áýejaıynda jalǵyz qaldyrǵany úshin sot Air Astana áýe kompanııasyna óyzdyń otbasyna 5 mln teńge kóleminde moraldyq ótemaqy tóleýge mindettegen edi.
"Qazir reısterdiń keshigýi úshin barlyq áýe kompanııalaryna aıyppul salý mehanızmderin ázirlep jatyrmyz. Tutynýshylardyń quqyqtaryn qorǵaý týraly zań jobasy aıasynda biz áýe kompanııalary men áýejaı basshylyqtaryn tekserý jáne shaǵymdardy qaraý mehanızmderin daıyndaýdamyz", – dedi depýtat.
