ەكس-پرەزيدەنت نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆپەن بايلانىستى اقىلى مۇناي وڭدەۋ جانە مۇناي ونىمدەرىنىڭ ساۋداسى نارىعىنداعى ەڭ ءىرى كومپانيا – «Petrosun» كومپانياسى «قازمۇنايگازعا» اۋىستى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«Petrosun» جشس قىزمەتى بىرتە-بىرتە «KC Energy Group» جشس-نە بەرىلەدى»، - دەلىنگەن «قازمۇنايگاز» ۇك» اق ارالىق قارجىلىق ەسەبىندە.
اقپاراتقا سايكەس، «KC Energy Group» جشس «Petrosun» جشس-ءنىڭ قاتىسۋشىلاردىڭ قۇرامى بىردەي جانە باسقارۋ تەتىكتەرى دە بىردەي شارتتاردا قۇرىلعان.
2023 جىلدىڭ سوڭىندا «قازمۇنايگاز» جانە «Petrosun» ەكەۋىنە يەلىك ەتەتىن CNPC International قازاقستان جانارماي نارىعىندا جۇمىس ىستەيتىن تاعى ءبىر بىرلەسكەن كومپانيا – «KC Energy Group» جشس قۇردى.
ەسكە سالا كەتەيىك، 25 قاراشادا ءماجىلىس دەپۋتاتى ەرمۇرات باپي قازاقستاننىڭ تابيعي بايلىقتارىن وليگارحتاردىڭ ساتۋ جاعدايىن سىنعا الىپ، قۇلىباەۆقا «جەتەرلىك بولعان شىعار» دەپ، «حالىققا دا نە نارسە قالدىرۋ كەرەك» دەپ مالىمدەگەن ەدى.
