استاناداعى "مانحەتتەن" تۇرعىن ءۇي كەشەنىندە ءورت شىقتى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، انەت بابا كوشەسىندە ورنالاسقان تۇرعىن ءۇي كەشەنىندەگى پاتەرلەردىڭ ءبىرى ورتەنگەن. الەۋمەتتىك جەلىدە تاراعان ۆيدەودان تۇرعىن ءۇيدىڭ تەرەزەلەرىنەن جالىن پەن ءتۇتىن شىعىپ جاتقانىن كورۋگە بولادى.
تجم مالىمەتىنشە، وقيعا ورنىنان 16 ادام قۇتقارىلىپ، ەۆاكۋاتسيالاندى. ءورت 15 شارشى مەتر الاڭدى شارپىعان.
بەلگىلى بولعانداي، 7 قاباتتاعى پاتەردە جيھاز بەن ءۇي زاتتارى ورتەنگەن.
“تجم قۇتقارۋشىلارى ءتۇتىندى ايماقتان باسپالداق مارشىمەن 6 ادامدى قۇتقارىپ، 10 ادامدى ەۆاكۋاتسيالادى. زارداپ شەككەندەر جوق”، - دەپ مالىمدەدى تجم ءباسپاسوز قىزمەتى.
