استاناداعى ساۋدا ورتالىقتارىنىڭ بىرىندە ەر ادام جۇرت الدىندا تەك ءىش كيىممەن جۇگىرگەن، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
ول قولىنا «ماعان پاتەر سىيلا!» دەگەن جازۋى بار پلاكاتتى ۇستاپ، جۇرتتىڭ نازارىن اۋدارعان.
بۇل وقيعا 21 قازان كۇنى بولعان.
كۋاگەرلەر تۇسىرگەن ۆيدەودا ەر ادامنىڭ ساۋدا ورتالىعىندا ايقايلاپ جۇگىرىپ جۇرگەنى بايقالادى. سوت ونىڭ ارەكەتىن «ۇساق بۇزاقىلىق» دەپ تانىدى.
سوت وتىرىسىندا ازامات كىناسىن مويىنداپ، مۇنداي قادامعا جاي عانا نازار اۋدارتۋ ءۇشىن بارعانىن تۇسىندىرگەن. ايتۋىنشا، ول تانىمال بلوگەر مەلسترويدىڭ بايقاۋىنا قاتىسىپ، سول ارقىلى پاتەر ۇتىپ الۋدى ءۇمىت ەتكەن.
بۇعان دەيىن ونىڭ قۇقىق بۇزۋشىلىقتارى تىركەلمەگەن. سوت ونىڭ وكىنۋىن ەسكەرىپ، 15 تاۋلىك اكىمشىلىك قاماۋعا الۋ تۋرالى شەشىم شىعاردى.
ۇقساس جاڭالىقتار
