الماتى وبلىسىندا جول اپاتى بولىپ، وقيعا ورنىندا ءبىر ادام قازا تاپتى، دەپ حابارلايدى "ادىرنا" ۇلتتىق پورتالى.
الماتى وبلىسى پوليتسيا دەپارتامەنتىنىڭ Instagram-اككاۋنتىندا جامبىل اۋدانىندا ورىن العان قايعىلى جول-كولىك وقيعاسىنىڭ مالىمەتتەرى جاريالاندى.
اپات 30 قاراشا كۇنى الماتى-بەسمويناق اۆتوجولىنىڭ 77-شاقىرىمىندا بولعان.
«Mercedes Benz جۇرگىزۋشىسى قارسى باعىتقا شىعىپ، Ford Focus كولىگىمەن سوقتىعىستى. ودان كەيىن ينەرتسيامەن ۆاز-2114 كولىگىمەن سوقتىعىستى. جول-كولىك وقيعاسىنىڭ ناتيجەسىندە Ford Focus كولىگىنىڭ جۇرگىزۋشىسى وقيعا ورنىندا قازا تاپتى. ەكى جولاۋشى ءارتۇرلى جاراقاتتارمەن اۋداندىق اۋرۋحاناعا جەتكىزىلدى»، – دەلىنگەن پوليتسيا دەپارتامەنتىنىڭ حابارلاماسىندا.
وقيعا بويىنشا الدىن الا تەرگەۋ جۇرگىزىلۋدە.
ايماق پوليتسياسى بارلىق جۇرگىزۋشىلەردى جىلدامدىق رەجيمىن قاتاڭ ساقتاۋعا جانە قر جول قاۋىپسىزدىك ەرەجەلەرىن بۇزباۋعا شاقىرادى.
ۇقساس جاڭالىقتار
