Алматы облысында жол апаты болып, оқиға орнында бір адам қаза тапты, деп хабарлайды "Адырна" ұлттық порталы.
Алматы облысы Полиция департаментінің Instagram-аккаунтында Жамбыл ауданында орын алған қайғылы жол-көлік оқиғасының мәліметтері жарияланды.
Апат 30 қараша күні Алматы-Бесмойнақ автожолының 77-шақырымында болған.
«Mercedes Benz жүргізушісі қарсы бағытқа шығып, Ford Focus көлігімен соқтығысты. Одан кейін инерциямен ВАЗ-2114 көлігімен соқтығысты. Жол-көлік оқиғасының нәтижесінде Ford Focus көлігінің жүргізушісі оқиға орнында қаза тапты. Екі жолаушы әртүрлі жарақаттармен аудандық ауруханаға жеткізілді», – делінген полиция департаментінің хабарламасында.
Оқиға бойынша алдын ала тергеу жүргізілуде.
Аймақ полициясы барлық жүргізушілерді жылдамдық режимін қатаң сақтауға және ҚР жол қауіпсіздік ережелерін бұзбауға шақырады.
