Abaı oblysyndaǵy aýyl muǵalimi Erqanat Sadýahanov tanymal sheteldik ánshi Nıkı Mınajdyń saýnd-prodıýseri atandy, dep habarlaıdy "Adyrna" ulttyq portaly.
Erqanat Sadýahanov – Abaı atyndaǵy arnaıy mektep-gımnazııa-ınternattyń bıologııa pániniń muǵalimi. Ol mýzyka áleminde Eraholic degen laqap atpen tanymal. Jas pedagog óziniń áleýmettik jelisinde Nıkı Mınajdyń Pink Friday 2 albomynyń delıýks-nusqasynyń saýnd-prodıýseri bolǵanyn resmı túrde habarlady.
Ol buryn da Dua Lipa, Rosalia jáne Blackpink tobynyń múshesi Lısa sııaqty álemdik juldyzdarmen yntymaqtastyqta jumys istegen. Endi Nıkı Mınajdyń tyńdarmandaryna erekshe jańalyqtar usynýǵa daıyn ekenin málimdedi.
Albomdy 2024 jyldyń 13 jeltoqsanynda shyǵarý josparlanǵan. Keńeıtilgen shyǵarylym 2023 jylǵy túpnusqa albomynyń mereıtoıyna arnalyp, tyńdarmandarǵa jańa kompozıııalar usynatyn bolady. Erqanat Sadýahanov halyqaralyq jobalarda óz shyǵarmashylyq qabiletterin kórsetip, pedagogıkalyq qyzmetimen súıikti isin tabysty úılestirýde.
Nıkı Mınaj – álemdegi eń tabysty rep oryndaýshylardyń biri. Ol kóptegen marapattardyń ıegeri, onyń ishinde ASCAP syılyǵynyń eń úzdik hıp-hop oryndaýshysy retinde jeńisi bar. Jaqynda ol Emınemdi ozyp, eń kóp qaralǵan reper atandy.
