اباي وبلىسىنىڭ جارما اۋداندىق سوتى بۇرىنعى ايەلىن ۇرلاپ كەتتى دەپ ايىپتالعان ەر ادامعا قاتىستى قىلمىستىق ءىستى قارادى، - دەپ حابارلايدى “ادىرنا” ۇلتتىق پورتالى.
سوت وتىرىسى بارىسىندا سوتتالۋشىنىڭ بۇرىنعى ايەلىنىڭ ۇيىنە بارعانى جانە سوندا ەكەۋارا جانجال تۋعانى انىقتالدى. ەر ادام بۇرىنعى ايەلىنىڭ بەتىنەن جۇدىرىقپەن ۇرىپ، ۇيالى تەلەفونىن سىندىرعان، سودان كەيىن ايەلدى سونىڭ كولىگىنىڭ جۇكسالعىشىنا يتەرىپ سالىپ، ۇرلاپ كەتكەن.
پروكۋرور سوتتان جابىرلەنۋشىنىڭ ءومىرى مەن دەنساۋلىعىنا قاۋىپتى كۇش قولدانباعاندىقتان، سوتتالۋشىعا قىلمىستىق كودەكستىڭ 125-بابىنىڭ 1-بولىگى «ادام ۇرلاۋ» بويىنشا جازا تاعايىنداۋدى سۇرادى.
جابىرلەنۋشى سوتتالۋشىنى كەشىرەتىنىن ايتىپ، قاتاڭ جازا قولدانباۋىن سۇرادى.
سوتتالۋشىنىڭ ءوزى ىستەگەن ىسىنە وكىنىپ، بولعان وقيعاعا قايمىعاتىنىن ايتىپ، سوتتان باس بوستاندىعىنان ايىرۋدان باسقا جازا تاعايىنداۋدى سۇرادى.
سوت ءىس ماتەريالدارىن زەردەلەي كەلە، ەر ادامدى كىنالى دەپ تانىپ، 4 جىلعا باس بوستاندىعىنان ايىرۋ جازاسىن قاتاڭ تارتىپتەگى قىلمىستىق-اتقارۋ جۇيەسىندە وتەۋگە ۇكىم ەتتى.
ۇكىم زاڭدى كۇشىنە ەنگەن جوق.
