24 قاراشا كۇنى الماتى قالاسىندا XVII حالىقارالىق «ەۋرازيا» كينوفەستيۆالىنىڭ سالتاناتتى اشىلۋى ءوتتى، دەپ حابارلايدى «ادىرنا» ءتىلشىسى.
كينوفەستيۆال قاتىسۋشىلارىنا پرەزيدەنت قاسىم-جومارت توقاەۆ ارنايى قۇتتىقتاۋ حاتىن جولدادى. حاتتى مادەنيەت جانە اقپارات ءمينيسترى ايدا بالاەۆا وقىپ بەردى. مەملەكەت باسشىسىنىڭ حاتىندا ەلدە ۇلتتىق كينەماتوگرافيانى قولداۋعا باسا ءمان بەرىلىپ وتىرعانى اتاپ وتىلگەن.
«ەۋرازيا» كينوفەستيۆالى قازاقستان مەن بۇكىل ورتالىق ازيانىڭ ماڭىزدى مادەني برەندىنە اينالدى. بۇل رەتتە الەمگە ايگىلى شەتەلدىك كينوگەرلەر مەن ساراپشىلاردەن قۇرالعان قازىلار القاسىنا ەرەكشە توقتالا كەتكىم كەلەدى.
فەستيۆال باعدارلاماسىندا ەكى نەگىزگى بايقاۋ بولدى. حالىقارالىق بايقاۋعا كانن كينوفەستيۆالىندە «التىن پالما بۇتاعىن» يەلەنگەن الەمدىك كينونىڭ اڭىزى نۋري بىلگە جەيلان جەتەكشىلىك ەتتى. قازىلار القاسىنىڭ قۇرامىندا رانو شوديەۆا (وزبەكستان), نادا اجاري گيللون (فرانتسيا), ارتىقپاي سۇيىندىكوۆ (قىرعىزستان) جانە ەرلان نۇرمۇحامبەتوۆ (قازاقستان) بار.
ال ورتالىق ازيا مەن تۇركى الەمى ەلدەرىنىڭ بايقاۋىنا قىتايلىق رەجيسسەر لي باوحۋا توراعالىق ەتتى. فيلمدەردى ابدەليلا ەل دجاۋحاري (ماروككو), الەكسەي تەلنوۆ (رەسەي) جانە قازاقستاندىق پروديۋسەر جاننا قۋانىشوۆا باعالايدى.
سونىمەن قاتار، قازىلار القاسىنىڭ قاتارىندا نينا كوچەلياەۆا (رەسەي), گۇلبارا ءتولومۇشوۆا (قىرعىزستان) جانە اندرە رافاەل يۆانوۆ (فرانتسيا) بار.
سالتاناتتى اشىلۋ ءراسىمى الدىندا ءبىز قازىلار القاسىنىڭ مۇشەلەرىمەن بىرگە ىنتىماقتاستىق مۇمكىندىكتەرىن تالقىلادىق. بارلىق قاتىسۋشىلار بىرلەسە جۇمىس ىستەۋگە دايىن ەكەنىن جەتكىزدى. بۇل ىنتىماقتاستىق قازاق كينوسىنىڭ دامۋىنا جاڭا يدەيالار مەن پەرسپەكتيۆالار اكەلەتىنىنە سەنىمدىمىن»،—دەدى ايدا بالاەۆا.
حالىقارالىق «ەۋرازيا» كينوفەستيۆالى 24-30 قاراشا ارالىعىندا وتەدى. فەستيۆالگە 15-تەن استام ەل قاتىسىپ جاتىر.
