قىزىلوردا وبلىسىندا 16 مەديتسينالىق نىسان ەل يگىلىگىنە تابىستالدى.
بۇل تۋرالى ورتالىق كوممۋنيكاتسيالار قىزمەتىنىڭ بريفينگىندە قىزىلوردا وبلىسىنىڭ اكىمى نۇرلىبەك نالىباەۆ اتاپ ءوتتى.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىمەن وڭىردە وتكەن جىلى 15 دارىگەرلىك امبۋلاتوريا مەن 1 مەديتسينالىق بەكەت پايدالانۋعا بەرىلىپ، بيىل 11 نىساننىڭ قۇرىلىسى جۇرۋدە.
سوڭعى 2 جىلدا 4,1 ملرد.تەڭگەگە 13 دەنساۋلىق ساقتاۋ نىسانى كۇردەلى جوندەۋدەن ءوتتى. وبلىس ورتالىعىندا ءبىر اۋىسىمدا 100 كەلۋشىگە ارنالعان ەمحاناسى جانە ونكولوگيالىق بولىمشەسى بار 300 ورىندىق كوپبەيىندى اۋرۋحانانىڭ قۇرىلىسى جۇرۋدە.
«دەنساۋلىق ساقتاۋ مەكەمەلەرىنىڭ اۆتوپاركتەرى جىل سايىن جاڭارتىلۋدا. وتكەن جىلى 25, بيىل 200 سانيتارلىق اۆتوكولىك تابىستالدى. وسى كەزگە دەيىن جەكە عيماراتى بولماعان وبلىستىق قان ورتالىعىنىڭ جاڭا عيماراتى قولدانىسقا بەرىلدى. الداعى ۋاقىتتا قىزىلوردا قالاسىندا 200 توسەك-ورىنعا ارنالعان ورتالىق قۇرىلىسى باستالادى»، - دەدى نۇرلىبەك نالىباەۆ.
