مەملەكەت باسشىسى قاسىم-جومارت توقاەۆ باكۋدە وتكەن دۇنيەجۇزىلىك كليمات ءسامميتى COP29 اياسىندا مولدوۆا پرەزيدەنتى مايا ساندۋمەن كەزدەسۋ وتكىزدى، دەپ حابارلايدى "ادىرنا" ۇلتتىق پورتالى اقوردا ءباسپاسوز قىزمەتىنە سىلتەپ.
"كەزدەسۋ بارىسىندا قازاقستان مەن مولدوۆا اراسىنداعى ءداستۇرلى دوستىق قاتىناستاردى كەڭەيتۋ مۇمكىندىكتەرى، اسىرەسە ساۋدا-ەكونوميكالىق جانە مادەني-گۋمانيتارلىق سالالار تالقىلاندى", – دەپ حابارلادى اكوردانىڭ ءباسپاسوز قىزمەتى.
مايا ساندۋ كەلەسى جىلى مولدوۆا رەسپۋبليكاسىنىڭ استانادا ەلشىلىك اشۋى ەكى ەل اراسىنداعى ىنتىماقتاستىقتىڭ دامۋىنا ىقپال ەتەتىنىنە سەنىم ءبىلدىردى.
ايتا كەتەيىك، قاسىم-جومارت توقاەۆ 11 قاراشادا باكۋ قالاسىنا جۇمىس ساپارىمەن بارعان بولاتىن. بۇل ساپار بارىسىندا قازاقستان پرەزيدەنتى الەمدىك كوشباسشىلار، حالىقارالىق ۇيىمدار باسشىلارى جانە بيزنەس وكىلدەرىمەن كەزدەسۋ وتكىزدى.
سونىمەن قاتار، مەملەكەت باسشىسى كليماتتىق وزگەرىستەرگە قاتىستى الەمدىك كوشباسشىلار سامميتىندە ءسوز سويلەدى. پلەنارلىق سەسسيانىڭ اشىلۋىندا وعان ءبىرىنشى ءسوز بەرىلدى.
