الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قاڭتار وقيعاسى كەزىندە جەتكىزىلگەن ادامعا ازاپتاۋدى قولدانعانى ءۇشىن كىنانى مويىنداۋ تۋرالى پروتسەستىك كەلىسىمىنىڭ نەگىزىندە ايىپتاۋ ۇكىمىن شىعاردى، دەپ حابارلايدى «ادىرنا» ۇلتتىق پورتالى.
قىلمىستىق ءىستى الماتى قالاسىنىڭ ارنايى پروكۋرورلارى تەرگەپ-تەكسەردى.
پروكۋرورلار 2022 جىلعى 8 قاڭتاردا المالى اۋدانىنىڭ پوليتسيا باسقارماسىندا پوليتسيا قىزمەتكەرىنىڭ جەتكىزىلگەن ازاماتتى ازاپتاعانىن دالەلدەدى.
«پوليتسيا قىزمەتكەرىنىڭ قۇقىققا قارسى ارەكەتتەرىنىڭ ناتيجەسىندە جابىرلەنۋشىگە دەنە ازابى كەلتىرىلگەن. كىنانى مويىنداعانىن ەسكەرىپ، سوت ۇكىمى سوتتالۋشىعا ارنايى اتاعىنان جانە مەملەكەتتىك قىزمەتتە جۇمىس ىستەۋ قۇقىعىنان ايىردى.سونىمەن قاتار، 2 جىل 6 اي مەرزىمگە باس بوستاندىعىن شەكتەۋ تۇرىندەگى جازا تاعايىندالدى»،- دەپ مالىمدەدى باس پروكۋراتۋرا.
ۇكىم زاڭدى كۇشىنە ەندى.
