بۇگىن، 11 قاراشادا استانا قالاسىنىڭ قىلمىستىق ىستەر جونىندەگى اۋدانارالىق سوتى LRT كومپانياسىنىڭ بۇرىنعى توراعاسى تالعات اردانعا سىرتتاي ۇكىم شىعاردى، دەپ حابارلايدى «ادىرنا» ءتىلشىسى.
ءىس سوتتالۋشىعا قاتىستى حالىقارالىق ىزدەستىرۋ جاريالانعاندىقتان، ونىڭ قاتىسۋىنسىز سىرتتاي قارالدى.
تەرگەۋ بارىسىندا 2016 جىلدىڭ 22 جەلتوقسانىندا تالعات ارداننىڭ قاجەتتىلىكتىڭ جوقتىعىنا قاراماستان، LRT قۇرىلىسى ءۇشىن قىتاي دامۋ بانكىنەن 257,6 ميلليون دوللار سىرتقى نەسيەنىڭ ءبىرىنشى ترانشىن زاڭسىز سۇراعانى انىقتالدى. شەنەۋنىك لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تانىلدى.
2023 جىلى ول بيۋدجەت قاراجاتىن ىسىراپ ەتكەنى ءۇشىن 7 جىلعا سوتتالعان بولاتىن. جاڭا ۇكىممەن جازا مەرزىمى 9 جىلعا دەيىن ۇزاردى، سونداي-اق وعان 85 ملرد تەڭگە شىعىندى وتەۋ مىندەتتەلدى. وتكەن جىلى مامىردا ەلوردادا سالىنباي قالعان Astana LRT قۇرىلىسىنا قاتىستى قىلمىستىق ءىس بويىنشا سوت ۇكىمىمەن تالعات اردان مەن قانات سۇلتانبەكوۆ 7 جىلعا سوتتالعان ەدى.
ايتا كەتەيىك، بۇعان دەيىن سىبايلاس جەمقورلىققا قارسى ءىس-قيمىل اگەنتتىگى تالعات ارداندى ىزدەۋ جانە ەكستراديتسيالاۋ جۇمىستارى تۋرالى ەسەپ بەرىپ، تالعات ارداننىڭ قايدا ەكەنى انىقتالماعانىن مالىمدەگەن ەدى.
باس پروكۋراتۋرا تالعات اردان مەن قانات سۇلتانبەكوۆتى ىزدەۋ جۇمىسىنىڭ توقتامايتىنىن ايتقان.
