Búgin, 11 qarashada Astana qalasynyń qylmystyq ister jónindegi aýdanaralyq soty LRT kompanııasynyń burynǵy tóraǵasy Talǵat Ardanǵa syrttaı úkim shyǵardy, dep habarlaıdy «Adyrna» tilshisi.
Is sottalýshyǵa qatysty halyqaralyq izdestirý jarııalanǵandyqtan, onyń qatysýynsyz syrttaı qaraldy.
Tergeý barysynda 2016 jyldyń 22 jeltoqsanynda Talǵat Ardannyń qajettiliktiń joqtyǵyna qaramastan, LRT qurylysy úshin Qytaı damý bankinen 257,6 mıllıon dollar syrtqy nesıeniń birinshi transhyn zańsyz suraǵany anyqtaldy. Sheneýnik laýazymdyq ókilettikterin asyra paıdalanǵany úshin kináli dep tanyldy.
2023 jyly ol bıýdjet qarajatyn ysyrap etkeni úshin 7 jylǵa sottalǵan bolatyn. Jańa úkimmen jaza merzimi 9 jylǵa deıin uzardy, sondaı-aq oǵan 85 mlrd teńge shyǵyndy óteý mindetteldi. Ótken jyly mamyrda elordada salynbaı qalǵan Astana LRT qurylysyna qatysty qylmystyq is boıynsha sot úkimimen Talǵat Ardan men Qanat Sultanbekov 7 jylǵa sottalǵan edi.
Aıta keteıik, buǵan deıin Sybaılas jemqorlyqqa qarsy is-qımyl agenttigi Talǵat Ardandy izdeý jáne ekstradıııalaý jumystary týraly esep berip, Talǵat Ardannyń qaıda ekeni anyqtalmaǵanyn málimdegen edi.
Bas prokýratýra Talǵat Ardan men Qanat Sultanbekovti izdeý jumysynyń toqtamaıtynyn aıtqan.
