قازاقستانداعى تاكسي باعاسى بەلارۋس جانە رەسەي ەلدەرىمەن سالىستىرعاندا ەكى ەسە كوپ، دەپ حابارلايدى «ادىرنا» ءتىلشىسى LS-كە سىلتەمە جاساپ.
6 قاراشاداعى ستاندارتتى تاريف بويىنشا جولدىڭ 1 كم باعاسى ەل بويىنشا ورتاشا ەسەپپەن 310 تەڭگەنى قۇرايدى. الماتىدا تاكسي قۇنى 1 كم ءۇشىن 325 تەڭگە بولسا، استانادا — 250 تەڭگە.
Numbeo پلاتفورماسىنداعى اقپاراتقا سۇيەنسەك، رەسەي (149,5 تەڭگە) مەن بەلارۋستە (149,8 تەڭگە) تاكسي قىزمەتى ەكى ەسە ارزان. وزبەكستان تۇرعىندارى تاكسي ءۇشىن 147 تەڭگە، ال ۋكراينا 141,8 تەڭگە تولەيدى.
قىتايدا ساپار قۇنى ءسال جوعارى (170,8 تەڭگە), بىراق قازاقستانمەن سالىستىرعاندا تومەن. وڭتۇستىك كورەيادا 1 كم تاكسي ءۇشىن 279,6 تەڭگە تولەۋ كەرەك.
تۇركيا (327,7 تەڭگە), ءباا (333,8 تەڭگە) سىندى ەلدەردە تاكسي باعاسى الدەقايدا جوعارى. سونداي-اق 1 كم ساپار قۇنى ۇلىبريتانيادا ورتاشا ەسەپپەن - 780 تەڭگەگە، اقش-تا - 841 تەڭگەگە، نيگەريادا - 947,5 تەڭگەگە، ال جاپونيادا 1,4 مىڭ تەڭگەگە باعالانادى.
ايتا كەتەيىك، قازىرگى تاڭدا ەڭ قىمبات تاكسي تاريفتەرى شۆەيتساريا (2,1 مىڭ تەڭگە) مەن باحرەيندە (2,4 مىڭ تەڭگە).
