Qazaqstandaǵy taksı baǵasy Belarýs jáne Reseı elderimen salystyrǵanda eki ese kóp, dep habarlaıdy «Adyrna» tilshisi LS-ke silteme jasap.
6 qarashadaǵy standartty tarıf boıynsha joldyń 1 km baǵasy el boıynsha ortasha eseppen 310 teńgeni quraıdy. Almatyda taksı quny 1 km úshin 325 teńge bolsa, Astanada — 250 teńge.
Numbeo platformasyndaǵy aqparatqa súıensek, Reseı (149,5 teńge) men Belarýste (149,8 teńge) taksı qyzmeti eki ese arzan. Ózbekstan turǵyndary taksı úshin 147 teńge, al Ýkraına 141,8 teńge tóleıdi.
Qytaıda sapar quny sál joǵary (170,8 teńge), biraq Qazaqstanmen salystyrǵanda tómen. Ońtústik Koreıada 1 km taksı úshin 279,6 teńge tóleý kerek.
Túrkııa (327,7 teńge), BAÁ (333,8 teńge) syndy elderde taksı baǵasy áldeqaıda joǵary. Sondaı-aq 1 km sapar quny Ulybrıtanııada ortasha eseppen - 780 teńgege, AQSh-ta - 841 teńgege, Nıgerııada - 947,5 teńgege, al Japonııada 1,4 myń teńgege baǵalanady.
Aıta keteıik, qazirgi tańda eń qymbat taksı tarıfteri Shveıarııa (2,1 myń teńge) men Bahreınde (2,4 myń teńge).
