8-10 قاراشادا اقمولا وبلىسىندا اۋا رايىنىڭ قولايسىزدىعىنا بايلانىستى جول پوليتسياسى كۇشەيتىلگەن رەجيمدە جۇمىس اتقارۋدا، دەپ حابارلايدى "ادىرنا" ۇلتتىق پورتالى.
جولداردا كولىك كەپتەلىسىنىڭ الدىن الۋ ءۇشىن جانە اپاتتىق جاعدايلاردى بولدىرماۋ ماقساتىندا پوليتسيا قىزمەتكەرلەرى ءۇش اۆتوكولىك كولونناسىنا ىلەسىپ ءجۇرۋدى ۇيىمداستىردى.
ء"تارتىپ ساقشىلارى استانا-پەتروپاۆل جانە استانا-ەرەيمەنتاۋ-شىدەرتى اۆتوجولدارىندا شامامەن 500 جەڭىل جانە 150 جۇك كولىكتەرىنە ىلەسىپ ءجۇردى. بۇل شارالارعا 49 پوليتسيا قىزمەتكەرى مەن 24 پاترۋلدىك اۆتوكولىك تارتىلدى", – دەپ مالىمدەدى ىشكى ىستەر مينيسترلىگىنىڭ ءباسپاسوز قىزمەتى.سونداي-اق، اقمولا وبلىستىق توتەنشە جاعدايلار دەپارتامەنتى كەشە ايماقتاعى قولايسىز اۋا رايىنا بايلانىستى رەسپۋبليكالىق ماڭىزى بار توعىز جانە وبلىستىق ماڭىزى بار 22 جولدىڭ جابىلعانىن حابارلادى. 12 اۋداندا جانە ستەپنوگورسك قالاسىندا 22 بلوكپوست قويىلىپ، 12 مىڭ ادامعا ارنالعان 277 جىلىتۋ بەكەتى دايىندالدى. بۇل كومەك اۋا رايىنىڭ قولايسىزدىعىنان قيىندىققا تاپ بولعان 15 ادامعا، ونىڭ ىشىندە ءتورت بالاعا كورسەتىلدى. پوليتسيا مەن توتەنشە جاعدايلار قىزمەتى جول قوزعالىسىنا ەنگىزىلگەن شەكتەۋلەردى ەسكەرىپ، جۇرگىزۋشىلەرگە جولداردىڭ جابىلۋى تۋرالى اقپاراتتى نازاردان تىس قالدىرماۋدى جانە جول ءجۇرۋ باعىتتارىن الدىن الا تۇزەتۋدى ۇسىنادى.
ۇقساس جاڭالىقتار
بۇرقاسىن بوران. قاراعاندى وبلىسى تۇرعىندارىنا ەلدى مەكەندەردەن تىس جەرلەرگە شىقپاۋعا كەڭەس بەرىلدى
