اقمولا وبلىسىندا دارىگەرگە بالاعات ءسوز ايتقان ەر ادامعا قاتىستى اكىمشىلىك جازا قولدانىلدى. بۇل تۋرالى وڭىرلىك سوتتىڭ ءباسپاسوز قىزمەتى مالىمدەدى، دەپ حابارلايدى "ادىرنا".
وقيعا اۋداندىق اۋرۋحانانىڭ دالىزىندە بولعان. ماس كۇيدەگى ەر ادام وزگە پاتسيەنتتەر مەن بالالاردىڭ كوزىنشە ايقايلاپ، بەيادەپ سوزدەر ايتقان. دارىگەر-حيرۋرگ وعان تىنىشتالۋدى سۇراپ ەسكەرتۋ جاساعان كەزدە، ەر ادام كەرىسىنشە، مەديتسينالىق قىزمەتكەردى بالاعاتتاپ، قوعامدىق ءتارتىپتى ودان ءارى بۇزعان.
سوتتا ەر ادامنىڭ كىناسىن تولىق مويىنداۋى جانە تۇراقتى جۇمىس ورنىنىڭ بولماۋى جەڭىلدەتەتىن ءمان-جاي رەتىندە ەسكەرىلدى. ال ونىڭ ماساڭ كۇيدە بولعانى جاۋاپكەرشىلىكتى اۋىرلاتاتىن جاعداي رەتىندە تىركەلدى.
ناتيجەسىندە سوت وعان بەس تاۋلىك اكىمشىلىك قاماۋ جازاسىن تاعايىنداپ، الكوگول قولدانۋعا تولىق تىيىم سالدى.
