8-10 qaraşada Aqmola oblysynda aua raiynyŋ qolaisyzdyǧyna bailanysty jol polisiiasy küşeitılgen rejimde jūmys atqaruda, dep habarlaidy "Adyrna" ūlttyq portaly.
Joldarda kölık keptelısınıŋ aldyn alu üşın jäne apattyq jaǧdailardy boldyrmau maqsatynda polisiia qyzmetkerlerı üş avtokölık kolonnasyna ılesıp jürudı ūiymdastyrdy.
"Tärtıp saqşylary Astana-Petropavl jäne Astana-Ereimentau-Şıdertı avtojoldarynda şamamen 500 jeŋıl jäne 150 jük kölıkterıne ılesıp jürdı. Būl şaralarǧa 49 polisiia qyzmetkerı men 24 patruldık avtokölık tartyldy", – dep mälımdedı Işkı ıster ministrlıgınıŋ baspasöz qyzmetı.Sondai-aq, Aqmola oblystyq Tötenşe jaǧdailar departamentı keşe aimaqtaǧy qolaisyz aua raiyna bailanysty respublikalyq maŋyzy bar toǧyz jäne oblystyq maŋyzy bar 22 joldyŋ jabylǧanyn habarlady. 12 audanda jäne Stepnogorsk qalasynda 22 blokpost qoiylyp, 12 myŋ adamǧa arnalǧan 277 jylytu beketı daiyndaldy. Būl kömek aua raiynyŋ qolaisyzdyǧynan qiyndyqqa tap bolǧan 15 adamǧa, onyŋ ışınde tört balaǧa körsetıldı. Polisiia men tötenşe jaǧdailar qyzmetı jol qozǧalysyna engızılgen şekteulerdı eskerıp, jürgızuşılerge joldardyŋ jabyluy turaly aqparatty nazardan tys qaldyrmaudy jäne jol jüru baǧyttaryn aldyn ala tüzetudı ūsynady.
Ūqsas jaŋalyqtar
Būrqasyn boran. Qaraǧandy oblysy tūrǧyndaryna eldı mekenderden tys jerlerge şyqpauǧa keŋes berıldı
