ەگيپەتتە راس-سيدر قالاسى ماڭىندا تمد ەلدەرىنەن كەلگەن تۋريستەر مىنگەن اۆتوبۋس جول اپاتىنا ۇشىرادى، دەپ حابارلايدى "ادىرنا" ۇلتتىق پورتالى Cairo24 باسىلىمىنا سىلتەمە جاساپ.
وقيعا سالدارىنان شامامەن 41 ادام ءارتۇرلى جاراقاتتار العان. ولاردىڭ 31-ءى رەسەي مەن ۋكراينادان كەلگەن تۋريستەر. سونداي-اق، زارداپ شەككەندەردىڭ ىشىندە قازاقستاننان كەلگەن ءۇش تۋريست، ازەربايجاننان كەلگەن ءۇش تۋريست جانە ءتورت جەرگىلىكتى تۇرعىن بار.
جاراقات العاندار اۋرۋحاناعا جەتكىزىلدى. ازىرگە ولاردىڭ ازاماتتىعى مەن دەنساۋلىق جاعدايى تۋرالى ناقتى اقپارات جوق.
اۆتوبۋس قوزعالىس كەزىندە اۋدارىلعان، بىراق اپاتتىڭ سەبەپتەرى ءالى بەلگىسىز.
