Egıpette Ras-Sıdr qalasy mańynda TMD elderinen kelgen týrıster mingen avtobýs jol apatyna ushyrady, dep habarlaıdy "Adyrna" ulttyq portaly Cairo24 basylymyna silteme jasap.
Oqıǵa saldarynan shamamen 41 adam ártúrli jaraqattar alǵan. Olardyń 31-i Reseı men Ýkraınadan kelgen týrıster. Sondaı-aq, zardap shekkenderdiń ishinde Qazaqstannan kelgen úsh týrıst, Ázerbaıjannan kelgen úsh týrıst jáne tórt jergilikti turǵyn bar.
Jaraqat alǵandar aýrýhanaǵa jetkizildi. Ázirge olardyń azamattyǵy men densaýlyq jaǵdaıy týraly naqty aqparat joq.
Avtobýs qozǵalys kezinde aýdarylǵan, biraq apattyń sebepteri áli belgisiz.
