Оралда қалалық сот төрағасы Руслан Жұмағұлов пара алу кезінде қолға түскен, деп хабарлайды "Адырна" ұлттық порталы.
Бұл ақпаратты Ұлттық қауіпсіздік комитеті растады.
«Қазақстан Республикасы Қылмыстық кодекстің 366 (пара алу) және 367 (пара беру) бабында көзделген құқықбұзушылық белгілері бойынша сотқа дейінгі тергеп-тексеру жүріп жатыр», — делінген Қазақпарат агенттігінің жолдаған ресми сауалына берілген жауап хатта.
ҰҚК аталған іске қатысты өзге де ақпараттың Қылмыстық-процестік кодекстің 201 бабының 1 бөлігіне сәйкес жарияланбайтынын хабарлаған.
Бұдан бөлек, сот төрағасымен бірге екі адвокат Әділ Ахмулдин мен Нұржігіт Фазылғалиев те қолға түскен. 1,5 млн теңге көлеміндегі пара сотталған азаматқа қатысты оң шешім қабылдау үшін бағытталған.
