ماڭعىستاۋدا بيلىكتى سىناعان 11 بالانىڭ اناسى سوتتالدى، دەپ حابارلايدى "ادىرنا" ۇلتتىق پورتالى.
بۇل تۋرالى ينفورمبيۋرونىڭ جاڭالىقتار قىزمەتى مالىمدەدى.
جاڭاوزەندىك جادىرا دوسەكەەۆا ەسىمدى ازاماتشا قىلمىستىق كودەكستىڭ "تەلەكوممۋنيكاتسيا جەلىلەرىن پايدالانا وتىرىپ، الەۋمەتتىك الاۋىزدىقتى قوزدىرۋ" بابى بويىنشا كىنالى دەپ تانىلعانى ءمالىم بولدى. ول ءۇش جىل شارتتى جازاعا كەسىلدى. ەندى ول ءۇش جىل بويى الەۋمەتتىك جەلىلەردى پايدالانا المايدى.
سوت جاڭاوزەندىك تۇرعىننىڭ بيىل ساۋىردە "Tik-Tok" الەۋمەتتىك جەلىسىندە جاريالاعان بەينەجازباسىن" الەۋمەتتىك جانە ۇلتتىق الاۋىزدىقتى قوزدىرۋدى نەگىزدەيدى" دەپ باعالادى. ءاي ادامعا قاتىستى قىلمىستىق ءىس بيىل ماۋسىمدا قوزعالعان بولاتىن. سوت بارىسىندا پروكۋرور ونىڭ باس بوستاندىعىن 4 جىلعا شەكتەۋ جازاسىن تاعايىنداۋدى سۇراعان.
ال سوت ايىپتالۋشىنىڭ كامەلەتكە تولماعان بالالارى بارىن ەسكەرىپ ءۇش جىل شارتتى جازا كەسكەن.
"سوتتالۋشى جادىرا دوسەكەەۆا ءوزىنىڭ كىناسىن مويىنداماي سوتتان اقتاۋ ۇكىمىن شىعارۋدى سۇرادى. جادىرا دوسەكەەۆانىڭ كىناسى كۋالەردىڭ جاۋاپتارىمەن، پسيحولوگيالىق-فيلولوگيالىق ساراپتاما قورىتىندىسىمەن، ءىستىڭ باسقا دا قۇجاتتارىمەن دالەلدەندى. سوت، جادىرا دوسەكەەۆا-عا جازا تاعايىنداۋ بارىسىندا اسىراۋىندا كىشكەنتاي بالالارىنىڭ بولۋىن قىلمىستىق جاۋاپكەرشىلىگىن جەڭىلدەتەتىن ءمان-جايلار دەپ تانىدى. اۋىرلاتاتىن ءمان-جايلار انىقتالمادى”، – دەلىنگەن حابارلامادا.
