Maŋǧystauda bilıktı synaǧan 11 balanyŋ anasy sottaldy, dep habarlaidy "Adyrna" ūlttyq portaly.
Būl turaly İnformbiuronyŋ jaŋalyqtar qyzmetı mälımdedı.
Jaŋaözendık Jadyra Dosekeeva esımdı azamatşa qylmystyq kodekstıŋ "telekommunikasiia jelılerın paidalana otyryp, äleumettık alauyzdyqty qozdyru" baby boiynşa kınälı dep tanylǧany mälım boldy. Ol üş jyl şartty jazaǧa kesıldı. Endı ol üş jyl boiy äleumettık jelılerdı paidalana almaidy.
Sot jaŋaözendık tūrǧynnyŋ biyl säuırde "Tik-Tok" äleumettık jelısınde jariialaǧan beinejazbasyn" äleumettık jäne ūlttyq alauyzdyqty qozdyrudy negızdeidı" dep baǧalady. Äi adamǧa qatysty qylmystyq ıs biyl mausymda qozǧalǧan bolatyn. Sot barysynda prokuror onyŋ bas bostandyǧyn 4 jylǧa şekteu jazasyn taǧaiyndaudy sūraǧan.
Al sot aiyptaluşynyŋ kämeletke tolmaǧan balalary baryn eskerıp üş jyl şartty jaza kesken.
"Sottaluşy Jadyra Dosekeeva özınıŋ kınäsın moiyndamai sottan aqtau ükımın şyǧarudy sūrady. Jadyra Dosekeevanyŋ kınäsı kuälerdıŋ jauaptarymen, psihologiialyq-filologiialyq saraptama qorytyndysymen, ıstıŋ basqa da qūjattarymen däleldendı. Sot, Jadyra Dosekeeva-ǧa jaza taǧaiyndau barysynda asyrauynda kışkentai balalarynyŋ boluyn qylmystyq jauapkerşılıgın jeŋıldetetın män-jailar dep tanydy. Auyrlatatyn män-jailar anyqtalmady”, – delıngen habarlamada.
Ūqsas jaŋalyqtar
